«Bolashaq» túlekteriniń jumysqa ornalasýyna jaǵdaı jasalady
«Halyqaralyq baǵdarlamalar ortalyǵy» AQ-nyń Bolashak Alumni Relations Office (BARO) Túlektermen jumys bólimi L.N.Gýmılev atyndaǵy Eýrazııa Ulttyq ýnıversıtetinde saǵat 10.00-den 16.00-ge deıin QR Prezıdentiniń «Bolashaq» halyqaralyq stıpendııasy túlekteriniń jumysqa ornalasýyna yqpal etý maqsatynda bos jumys oryndarynyń jármeńkesin ótkizedi. BARO úshin bos jumys oryndarynyń jármeńkesin ótkizý - «Bolashaq» baǵdarlamasynyń túlekteri men jumys usynýshylardyń jumysqa ornalastyrý, adamı resýrstardy damytý jáne kásibı turǵyda ósý alańyn qurýdyń dástúrli ádisine aınalyp otyr», delingen Halyqaralyq baǵdarlamalar ortalyǵynyń málimetinde.
Jármeńke baǵdarlamasynda jumys usynýshylardyń eń qyzyqty tanystyrylymdary, testileý, kásibı suhbattar jáne kompanııa top-menedjmentiniń «Bolashaq» baǵdarlamasy túlekterimen tanysýy qarastyrylǵan. Sonymen qatar, bul kúni Bolashak Alumni Relations Office ujymy «bolashaqtyqtardyń» jumys izdestirýine arnalǵan http://resume.bolashak.gov.kz/ saıtyn resmı túrde iske qosady.
«Bolashak Job Fair 2014 - úmitkerler úshin de, kompanııalar úshin de mańyzdy shara ekenin aıta ketken jón. Munda árbir túlek ózine qajetti jumystyń jaı-japsary, mindet-maqsaty, eńbekaqysy týraly biledi, óz múmkindikterin baǵalaıdy, bir kún ishinde ondaǵan jumys berýshilermen baılanys ornatady ári jumys izdeýge ketetin ýaqytyn únemdeıdi.
Іs-sharaǵa 500-den astam «Bolashaq» baǵdarlamasynyń túlekteri men 50 jumys usynýshy kompanııa ókilderi qatysady. Olardyń arasynda memlekettik jáne jekemenshik mekemeler, halyqaralyq uıymdar men ulttyq kompanııalar bar»,-deıdi ortalyq ókilderi.