«Bolashaq» túlekteriniń basym bóligi Astana jáne Almatyda jumys isteýdi qalaıdy

ASTANA. 18 shilde. QazAqparat - Búginde «Bolashaq» baǵdarlamasy túlekteriniń basym bóligi Astana jáne Almaty qalalarynda jumys istep jatyr.

Biz bul úrdisti ózgertip, olardy aımaqtarǵa jiberip otyrýdy kózdeımiz. Búgin «Bolashaq» baǵdarlamasynyń túlekterine arnalǵan bos jumys oryndarynyń jármeńkesi aıasynda jýrnalısterge suhbat bergen «Halyqaralyq baǵdarlamalar ortalyǵy» AQ prezıdenti Saıasat Nurbek osylaı aıtty.

Onyń sózine qaraǵanda, búgingi túlekteriniń 60 paıyzy - tehnıkalyq mamandar. «Demek, olardyń eńbek naryǵy Astana men Almaty emes. Ondaı túlekter óńirlerde jumys istep, elimizdiń óndiristik áleýetin kóterýi tıis. Bizdiń endigin maqsatymyz da sol. Tehnıkalyq bilim bar «Bolashaq» túlekterin jınap, óndiris oshaqtaryna jiberetin bolamyz», - deıdi S.Nurbek.

Ortalyq basshysy atap kórsetkendeı, qazirgi kezde Qazaqstanda jumyssyz júrgen 85 túlek bar. Alaıda olar bilim berý dıplomdaryn áli almaǵan.