Bolashaq túlekteri mektepterge AR/VR synyptaryn engizýdi usyndy
Bul biregeı ınnovatsııalyq jobany «Bolashaq» korporatıvti qory men STEM Academia kompanııasy Qazaqstannyń jalpy bilim berý mektepterine engizýdi usynyp otyr.
«NurLab» jobasyn AR/VR synyptary dep ataýǵa da bolady. Bul balaǵa fızıka, matematıka, hımııa pánderinde alǵan bilimdi ómirde qoldanýǵa jáne tolyqqandy túsinýge múmkindik beredi. Bizdiń oqýshy kezimizde fızıka men hımııadaǵy qubylystardy tek kitap betinen oqıtynbyz. Al qazir jańa AR/VR tehnologııalary arqyly olardy qolmen ustaǵandaı kóz aldyna elestete alady. Máselen, baǵdarlamada mashınanyń motorynyń qandaı bólshekterden quralǵany, qaı bólshekti qalaı jóndeý kerektigi 3D úlgide kórsetilgen. Arnaıy ınteraktıvti qalamsappen bólshekterdi burap kórýge bolady. Osy 3D úlgide jobalap úırengen bala zaýyt-fabrıkalarǵa baryp, daıyn mehanık, tehnık bolyp shyǵa keledi. ıAǵnı, mektepte pándi jetik túsingen balalar eksportqa jańa ónimder shyǵara alady», - dedi STEM Academia negizin qalaýshy, «Bolashaq» baǵdarlamasynyń túlegi Ábýtálip Mútáli.
Onyń aıtýynsha, Qazaqstan - AR/VR synyptaryn qoldanýdy bastaǵan AQSh pen Qytaıdan keıingi úshinshi el.
«Álem boıynsha AQSh pen Qytaı AR/VR synyptaryn memlekettik baǵdarlamalaryna engizgen. Postkeńestik elder arasynda bul júıe Reseıden buryn, Qazaqstanǵa shyǵyp otyr. Qytaıda 2020 jylǵa deıin, Amerıkada - 2023 jylǵa deıin AR/VR synyptaryn mektepterge engizý baǵdarlamasy qabyldanǵan. Stenford ýnıversıtetiniń zertteýine sáıkes, jańa tehnologııalardy qoldanǵan balanyń bilimdi qabyldaý deńgeıi basqa balalardan eki-úsh ese tezirek qabylanady», - dedi ol.
Ázirge fızıka, hımııa, bıologııa pánderi boıynsha oqytý baǵdarlamalary daıyn. Úsh tilde balaǵa qosymsha bilim berýge barlyq múmkindik jasalǵan.
«Bul pánderden bólek, Qazaqstan tarıhyn úıretýge úles qosyp jatyrmyz. Alǵashqy kezeńder balalar egemendik qabyldaǵan 1991 jylǵa saıahattaı alady. Onda Elbsynyń keıpine kirip, Konstıtýtsııaǵa qol qoıǵanyn elestete alady. Jáne astanamyzdyń maketi jasalyp jatyr, baǵdarlamaǵa kósheler men árbir ǵımarattyń tarıhyn engizýge bolady», - dedi Á. Mútáli.
Sonymen birge, akademııa basshysy «NurLab» jobasynyń maǵynasyn túsindirip berdi.
«Elbasy esimin - tek qana mýzeıdegi eskertkish, eksponat retinde qaldyrmaı, jańa jobalarmen jadymyzda saqtaý kerek. Sebebi ol Qazaqstanǵa jańa ıdeıalardy ákelgen novator. Sondyqtan, osy jobany Elbasy esimimen biriktirip, balalarǵa zamanaýı zerthanalar arqyly bilim berip, balalardy álemdik naryqqa negizdelgen ónim shyǵarýǵa mashyqtandyrýdy maqsat etip qoıdyq», - dedi Á. Mútáli. 
