«Bolashaq» túlekteri eldiń úmitin ǵana emes, eńbekteri arqyly ózderine jumsalǵan bıýdjettik shyǵyndardy da aqtaı bilýi tıis - Q. Saýdabaev
TANA. 18 tamyz. QazAqparat /Qanat Mámetqazyuly/ - Aqordada QR Memlekettik hatshysy Qanat Saýdabaevtyń tóraǵalyǵymen shetelde maman daıarlaý jónindegi Respýblıkalyq komıssııanyń kezekti otyrysy ótti.
Konkýrstyq irikteýden keıin komıssııanyń qaraýyna «Bolashaq» stıpendııasynan úmitker 577 azamattyń ótinishi engizilip otyr.
Otyrysta Memlekettik hatshy Q.Saýdabaev «Bolashaq» prezıdenttik baǵdarlamasynyń qoǵamnyń jiti baqylaýynda ekendigin eskertip, baǵdarlama túlekteri men olardyń áleýetin el ıgiligi úshin jaratý máselesine basa nazar aýdardy. «Shetelden bilim alyp kelgen «Bolashaq» stıpendııasynyń túlekteri bizdiń úmitimizdi ǵana emes, eline sińirgen eńbegi arqyly ózderine jumsalǵan bıýdjettik shyǵyndardy da aqtaı bilýi tıis. Sondyqtan biz árbir úmitkerlerdiń múmkindigin jan-jaqty zerdelep shyǵýymyz qajet. Іrikteý jumysy ádil, ári qatań ótedi. Sebebi bizge, eń aldymen, sapa qajet», - dep atap kórsetti Q.Saýdabaev. Sóz sońynda ol búgingi «Bolashaq» baǵdarlamasynyń bakalavr mamandaryn daıarlaýdy aıaqtap, tek magıstrler men PhD doktorlardy ǵana oqytýǵa kóshkendigin taǵy bir márte eske saldy.
Bıylǵy jyly «Bolashaq» halyqaralyq baǵdarlamasy boıynsha úmitkerlerdiń basym bóligi qarjy, munaı-gaz, ekonomıka, energetıka, aqparattyq tehnologııalar, telekommýnıkatsııalyq júıeler, radıo jáne teledıdar mamandyqtaryn tańdady. Sondaı-aq qazaqstandyq jastar týrızm pen qonaqúı salasyndaǵy menedjmenttiń qyr-syryn meńgerýge qyzyǵýshylyq bildirip otyr.
