«Bolashaq» stýdenti oqý úlgeriminiń nashar bolǵany úshin 25 mln. teńge tóleıdi
ASTANA. QazAqparat - «Bolashaq» stýdenti sabaq úlgeriminiń nashar bolýyna baılanysty 25 mln teńge tóleıdi, dep habarlady Astana sotynyń baspasóz qyzmeti.
«2009 jyly Respýblıkalyq kadrlardy shetelde daıarlaý komıssııasynyń sheshimine sáıkes, S.esimdi azamat «Bolashaq» halyqaralyq stıpendııasynyń ıegeri atanyp, Ulybrıtanııada «Qurylys jáne arhıtektýra» mamandyǵy boıynsha bilim alý týraly qaýly shyqty. «Halyqaralyq baǵdarlamalar ortalyǵy» AQ men stýdent arasynda bilim berýdi uıymdastyrý týraly kelisim jasaldy. Kelisimge sáıkes, jaýapkerdiń akademııalyq úlgerimi «jaqsydan» tómen bolmaýy kerek edi», - delingen habarlamada.
Sotta belgili bolǵandaı, jaýapker úlgerimi týraly bólimdegi talaptardy oryndamaı, kelisimdi buzǵan. Ol «Bolashaq» halyqaralyq stıpendııasynan aıyrylyp, shetelde bilim alýǵa jumsaǵan shyǵyndardy qaıtarýǵa mindetteldi.
Astana qalasynyń Almaty aýdandyq sotynyń sheshimimen S. esimdi azamat «Halyqaralyq baǵdarlamalar ortalyǵy» AQ-nyń paıdasyna 25 675 842 teńge aqsha tóleıdi.
Sot sheshimi zańdy kúshine endi.
