«Bolashaq» stıpendııasynyń óteý merzimi eki esege qysqarady
ASTANA. QazAqparat - Halyqaralyq baǵdarlamalar ortalyǵynyń prezıdenti Janbolat Meldeshov «Bolashaq» stıpendııasynyń aýyldy jerlerdegi úmitkerlerine arnalǵan jeńildikter týraly, sonymen qatar, qandaı túlekterdiń bes jyldyq óteýdi shamamen eki ese qysqarta alatyny týraly aıtty, dep habarlaıdy QazAqparat primeminister.kz saıtyna silteme jasap.
Bul týraly primeminister.kz saıtyna silteme jasap, QazAqparat habarlaıdy.
Meldeshov óńirlerdiń gýmanıtarlyq, tehnıkalyq jáne basqarýshylyq áleýetin damytý jáne stıpendııa túlekterin óńirlerge tartýǵa yntalandyrý úshin «memlekettik qyzmetkerler» sanaty boıynsha stıpendııa ıegerleri úshin balamaly 3 jyldyq óteýdi usynbaq.
«Bolashaq» baǵdarlamasy boıynsha daıarlanǵan bilikti memlekettik menedjerlerdiń basym kópshiligi ortalyqta jumys istegeıdi. Ortalyqtaǵy bes jyldyń ornyna óńirde úsh jyl óteý - «Bolashaq» baǵdarlamasy boıynsha bilim alǵan memlekettik qyzmetshilerdiń iri qalalardan óńirlerge aýysýyn qamtamasyz etedi dep esepteımiz», - dedi Janbolat Meldeshov BARCEF-2016 «Bolashaq» baǵdarlamasynyń ІІІ halyqaralyq konferentsııasynda.
HBO basshysy konferentsııa qatysýshylaryna qazirgi ýaqytta baǵdarlamany iske asyrýdy taldaý negizinde ákimshilendirýdi odan ári jetildirý boıynsha birqatar tetikterdiń pysyqtalyp jatqanyn habarlady.
Osylaısha, aýyldyq mektepterdiń kadrlyq áleýetin kúsheıtý, sonymen qatar, óńirlerdegi stıpendııa ıegerleriniń sanyn ulǵaıtý maqsatynda, aýyldyq bilim berý uıymdarynyń pedagog kadrlary úshin jańa sanat engizý josparlanýda. Bul sanatqa aýylda eki jyl eńbek ótili bar úmitkerler jatqyzylady.
«Sonymen qosa, olardyń aǵylshyn tilin meńgerýine oraı, jeńildikter qarastyrylyp, olardyń aýyldyq mekteptegi mindetti jumys óteýiniń merzimin qysqartý máseleleri qarastyrylǵan. «Bolashaq» stıpendııasy kásibı bilim berýdiń aýyl muǵalimderine úzdiksiz qoljetimdiligin keńeıtedi. Bul jaǵdaı aýyldyń kadrlyq jáne ekonomıkalyq áleýetti arttyrady», - dedi J. Meldeshov.
Budan ózge, HBO prezıdenti óziniń baıandamasynda Astana jáne Almaty ortalyqtarynda jarty jyldyq oqýdy jáne keıinnen Ulybrıtanııanyń til ortalyqtarynda jarty jyldyq oqýdy kózdeıtin «6+6» tildik daıarlyǵynyń jańa úlgisi týraly aıtyp ótti.
«Búgingi tańda oqyp jatqan stıpendıattardyń sany 60-ty quraıdy. Ótken jyldan beri mektepten ótken 173 stıpendıat shetelge oqýǵa tústi. Biz keleshekte Qazaqstanda kezeń-kezeńimen tolyq tildik daıyndyq kýrsyna aýysatyn, barlyq óńirlerde mektepter ashýdy josparlaýdamyz», - dedi J. Meldeshov.
Eske sala keteıik, Astanada Ortalyq Azııadaǵy aýqymdy Bolashak Alumni Reunion Conference and Education Fair-2016 (BARCEF-2016) «Bolashaq» baǵdarlamasynyń ІІІ halyqaralyq konferentsııasy ótip jatyr.
