«Bolashaq» stıpendııasynan aıyrylǵandardyń qaryzy belgili boldy
«Jaqyn arada oqý úlgeriminiń nasharlaýyna baılanysty stıpendııadan aırylǵandar joq. Jalpy statıstıkaǵa toqtalatyn bolsam, 2005 jyldan bastan oqý úlgerimine qatysty 362 adam stıpendııadan qol úzip qaldy, bul shamamen 2 paıyzdy quraıdy. Olardyń qaryzy birtindep jabylyp keledi. 2013 jyly olar 147 mln teńgeni, 2014 jyly - 272 mln teńgeni, 2015 jyly - 384 mln teńgeni, al 2016 jyly 960 mln teńgeni japty. Bıylǵy jyldyń sońyna deıin 1 mlrd teńge tóńireginde óteledi dep josparlap otyrmyz»,-dedi Meldeshev.
Onyń sózine qaraǵanda, jalpy stıpendııadan aıyrylyp qalǵan jastardyń qaryzy 4,9 mlrd teńgeni quraǵan. Qazirgi kezde onyń kólemi azaıyp, 3,9 mlrd teńgesi qaldy. Úlgerimi nasharlap, stıpendııasyz qalǵan 362 adamnyń negizgi úlesi 2012 jylǵa deıin taǵaıyndalǵan «bakalavrıatqa» tıesili.
«Jalpy, qaryz aqsha qaıtaralady degen úmittemiz, sebebi boryshty óteý qarqyny jaqsaryp keledi»,-dedi ol.
Budan bólek, J. Meldeshev «Bolashaq» boıynsha bilim alǵanymen elge oralyp qyzmet etý mindettemesin oryndamaǵan 161 adam tirkelgenin atap ótti. Degenmen sonyń 100-ge jýyǵy keıinnen Qazaqstanǵa qaıta oraldy.
«Bul óz kezeginde stıpendııanyń sapasyn kórsetedi. ıAǵnı stıpendıattar shetelde jumys taýyp, baǵalanyp jatqany jaqsy kórsetkish. Olar úzdik kompanııalardy jumys isteýde»,-dedi Ortalyq prezıdenti.
Aıta keteıik, 23 jylda baǵdarlama aıasynda 12,5 myń stıpendııa taǵaıyndaldy. Búginde bilim alyp jatqandardyń sany 1234-ti qurap otyr. Jalpy, 9854 túlektiń ishinde 50 paıyzdan astamy áleýmettik salada qyzmet etýde, 2 myńnan astamy bilim berý salasynda jumysqa turǵan.
