«Bolashaq» stıpendııasynan aıyrylǵan 25 azamat qandaı somany qaıtarýy tıis
Buǵan deıin málim etkenimizdeı,30 qazan kúni QR Memlekettik hatshysy Qyrymbek Kósherbaevtyń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti. Komıssııa 2 máseleni qarady: konkýrstyq irikteýden ótken úmitkerlerge «Bolashaq» stıpendııasyn taǵaıyndaý jáne jekelegen azamattardy «Bolashaq» stıpendııasynan aıyrý.
Komıssııa otyrysynyń nátıjesinde 57 úmitkerge «Bolashaq» stıpendııasy taǵaıyndaldy. Búgin stıpendıattardyń tizimi jarııalandy.
Sondaı-aq komıssııa músheleri magıstr dárejesin almaýy jáne akademııalyq oqýdy aıaqtamaýyna baılanysty 25 stıpendıatty stıpendııadan aıyrý týraly sheshim qabyldaǵan bolatyn. Anyqtalǵandaı, olar memleketke 800 mln teńgeden astam shyǵyndy óteýge mindetteldi.
«Bolashaq» halyqaralyq stıpendııasy QR Prezıdentiniń 1993 jylǵy 5 qarashadaǵy №1394 qaýlysymen bekitilgen. Baǵdarlamany iske asyrýdyń 26 jylynda 13 978 stıpendııa taǵaıyndaldy. Onyń ishinde 1994 jyldan 2004 jylǵa deıin – 785 stıpendııa, 2005 jyldan 2020 jylǵa deıin – 13193 stıpendııa berildi. 13193-ten 3379 stıpendııa bakalavrıat, 7231 – magıstratýra, 35 – aspırantýra, 87 – klınıkalyq ordınatýra, 347 – doktorantýra, 2114 – taǵylymdama baǵdarlamalary boıynsha úılestirildi.
