«Bolashaq» stıpendııasyna úmitker azamattyń jumys ótili bolýy shart

ASTANA. 26 aqpan. QazAqparat - «Bolashaq» stıpendııasyna úmitker azamattyń, eń aldymen, jumys ótili bolýy shart. Bul týraly búgin Astanadaǵy «Kórme» ortalyǵynda ashylǵan bos jumys oryndarynyń jármeńkesinde jýrnalısterge suhbat bergen «Bolashaq» halyqaralyq baǵdarlamalar ortalyǵy basshysynyń orynbasary Áset Ábdýálıev málim etti.

«Bolashaqtyń» jańa talaptaryna sáıkes, stıpendııaǵa úmitker azamattyń, eń birinshi, jumys ótili bolýy qajet. Ekinshiden, jumys berýshiniń aryzy tapsyrylýy shart. Ol qujat boıynsha stıpendııaǵa ıe bolǵan azamattyń jumys orny saqtalýy tıis. Al oqýdan keıin túlek 3-5 jylyn burynǵy qyzmette istep shyǵýy mindet. Osylaısha, qandaı da bir qazaqstandyq kompanııaǵa qaıtip kelip, jumys istemeseń, «Bolashaq» baǵdarlamasy boıynsha shetelge shyǵa almaısyń», - deıdi Á.Ábdýálıev.

Aıta keteıik, búginde «Bolashaq» baǵdarlamasy boıynsha 2-2,5 myń qazaqstandyq stýdent shetelde bilim alýda. Jaqyn arada 500-i elge oralady.