«BOLAShAQ» stıpendııasyna qujattar qabyldaý merzimderi bekitildi
ASTANA. QazAqparat - Bilim jáne ǵylym mınıstriniń 2016 jylǵy 10 aqpandaǵy № 141 buıryǵymen «Bolashaq» halyqaralyq stıpendııasyn taǵaıyndaý konkýrsyna qatysý úshin úmitkerlerden qujattar qabyldaý merzimderi bekitildi, dep habarlady bolashak.gov.kz.
Aǵymdaǵy jyly qujattardy qabyldaý úsh kezeńde ótedi:
• 2016 jylǵy 11 sáýirden 13 mamyrǵa deıin;
•2016 jylǵy 13 maýsymnan 29 shildege deıin;
•2016 jylǵy 15 tamyzdan 15 qyrkúıekke deıin.
Stıpendııa taǵaıyndaý konkýrsy 2016 jylǵy 10 mamyrdan bastap, 2017 jylǵy 10 qańtardy qosa alǵandaǵy kezeńde ótedi.
Buǵan qosa, Mınıstrdiń buıryǵymen 2016 jylǵa «Bolashaq» halyqaralyq stıpendııasyn taǵaıyndaý konkýrsy jeńimpazynyń oqýy, tildik kýrstardan ótýi úshin usynylatyn sheteldiń jetekshi joǵary oqý oryndarynyń,sheteldik uıymdardyń tizimi, sondaı-aq 2016 jylǵa «Bolashaq» halyqaralyq stıpendııasy sheńberinde shetelde oqý úshin mándes mamandyqtar tizbesi bekitilgen.
