«Bolashaq» stıpendııasyna bir kúnde 55 ótinish tústi
«Keshe «Bolashaq» halyqaralyq stıpendııasymen jetekshi sheteldik joǵary oqý oryndaryna magıstratýra, doktorantýra jáne rezıdentýraǵa túsý úshin qujattardy qabyldaý bastaldy.
Qujat qabyldaýdyń alǵashqy kúni Egov.kz portaly arqyly 55 ótinim berildi. Qujat qabyldaý jáne konkýrstyq irikteý úrdisteri tolyǵymen avtomattandyryldy. Úmitkerler elimizdiń kez kelgen aýmaǵynan qujat tapsyra alady», - dep jazdy «Halyqaralyq baǵdarlamalar ortalyǵy» AQ Basqarma tóraǵasy Ánýar Janǵozın jelidegi paraqshasynda.
Ótinishter 2022 jylǵy 14 qazanǵa deıin qabyldanady. Taǵylymdamadan ótýge qujattardy qabyldaý 2022 jylǵy 5 qyrkúıekte bastalyp, 14 qazanǵa deıin jalǵasady.
Bıyl magıstratýra men rezıdentýraǵa 385, doktorantýraǵa 60 stıpendııa bólindi.
Sonymen qatar tehnıkalyq mamandyqtarǵa «Bolashaq» boıynsha beriletin grant sany 60 paıyzǵa ósti.