«Bolashaq» stıpendııasymen aýyl sharýashylyǵy salasynyń 74 mamandyǵy boıynsha bilim alýǵa bolady
ASTANA. 8 mamyr. QazAqparat - Otandyq agroónerkásip keshenin joǵary bilikti kadrlarmen qamtamasyz etý maqsatynda QR Aýyl sharýashylyǵy mınıstrligi agroónerkásip kesheniniń ǵylymı-tehnıkalyq áleýetin joǵarylatý baǵytynda jumystar júrgizýde.
Atap aıtqanda, 2012 jylǵa «Bolashaq» halyqaralyq stıpendııasyn taǵaıyndaý úshin shetelde mamandardy daıyndaý boıynsha Respýblıkalyq komıssııa sheshimimen basym mamandyqtar tizimi bekitilgen bolatyn. Buǵan «Agronomııa», «Veterınarlyq medıtsına», «Veterınarlyq sanıtarııa», «Orman sharýashylyǵy isi», «Topyraqtaný, agrohımııa, ósimdikti qorǵaý», «Balyq sharýashylyǵy jáne balyq aýlaý óndirisi» sekildi 74 mamandyq kirip otyr. Bul týraly búgin Aýyl sharýashylyǵy mınıstrliginde ótken brıfıng barysynda málim boldy.
Mınıstrliktiń baspasóz hatshysy Sáken Qalqamanovtyń aıtýynsha, 2005-2012 jyl aralyǵynda «Bolashaq» baǵdarlamasy agrarlyq sala mamandaǵy boıynsha 29 adam bitirgen. Búginde 10 stýdent bilim alyp jatyr. «Kórsetkishterdiń tómen bolýynyń sebebi negizinen aýyl sharýashylyǵy mamandyqtarynyń mártebesiniń joqtyǵynan, tildik kedergilerden, jyljymaıtyn múlikti kepildikke qoıý sekildi máselelerden týyndap otyr. Sońǵy erejelerge sáıkes, «Bolashaq» stıpendııasy boıynsha mamandardy magıstratýra, doktorantýra, sondaı-aq tájirıbelik taǵylymdar boıynsha ázirleýge qaıta baǵdarlanady. Kadrlardy bakalavrıatýrada ázirleý toqtatyldy», - deıdi S. Qalqamanov.
Stıpendıanttardyń sany artyp, olardy shetelge oqýǵa jiberý geografııasy keńeıtildi. Búginde, akademııalyq oqý men tájirıbeden 17 memlekette jáne álemniń úzdik 100 ýnıversıtetinde bilim alý múmkindigi bar.
Sonymen qatar, erejeniń jańa redaktsııasynda birqatar ózgerister qamtylǵan. Atap aıtqanda, óz betimen túsken úmitkerler úshin talaptar qatańdatyldy, «memlekettik qyzmetkerler» jáne «ǵylymı-pedagogıkalyq qyzmetkerler» sanatymen qatysýshylar arasy keńeıtildi. Budan bólek, kez kelgen ınjenerlik-tehnıkalyq qyzmetkerler úshin tájirıbeden ótý múmkindigi engizilip, «joǵary oqý oryndarynyń túlekteri» kvotasy júzege asa bastady. Memlekettik qyzmetshiler jáne ǵylymı-pedagog qyzmetkerler sanattaryna, atap aıtqanda eńbek ótili men bakalavr nemese maman dıplomynyń ortasha balyna talaptar azaıtyldy. Endi osy sanattar úshin dıplomnyń qosymshasy boıynsha ortasha ball 5.0-den 4.00 bolyp belgilendi.
«Osynyń barlyǵy saıyp kelgende joǵary oqý oryndarynyń túlekteri, mamandar, memlekettik qyzmetkerler jáne agrarlyq salanyń ǵylymı qyzmetkerleri «Bolashaq» baǵdarlamasy sheńberinde shetelde oqýdy jalǵastyrýǵa jáne tájirıbeden ótýge múmkindik aldy. Al 2013 jyldan bastap qujattar aımaqtarda turaqty negizde halyqqa qyzmet kórsetý ortalyqtary arqyly qabyldanýy josparlanyp otyr.
Sondaıaq, halyqaralyq bilim berý ortalyǵynyń málimeti boıynsha 2012 jyldyń ekinshi jartysynan bastap aımaqtarda qoǵamdyq qoljetimdilik pýnktteri jáne portal arqyly qujattardy qabyldaý boıynsha qyzmet kórsetý múmkindigi úshin «e-Bolashaq» aqparattyq júıesiniń elektrondyq úkimet portalymen yqpaldasýy josparlanyp otyr. Respýblıkalyq konkýrsqa qatysý úshin qajetti qujattar www.edu-cip.kz saıtynda kórsetilgen tizimge saı úmitkerlermen óz betinshe ázirlenedi», - deıdi S. Qalqamanov.
