«Bolashaq» stıpendııasynyń sany qysqartylady

ASTANA. KAZINFORM – «Bolashaq» halyqaralyq stıpendııasynyń sany qysqartylady. Bul týraly Ǵylym jáne joǵary bilim mınıstri Saıasat Nurbek Májilistegi parlamenttik tyńdaýdan keıin BAQ ókilderiniń suraǵyna bergen jaýabynda aıtty.

Onyń aıtýynsha, kelesi jyldan bastap «Bolashaq» baǵdarlamasy aıasynda «qosdıplomdy» baǵdarlama iske qosylady.

— Bizdegi halyqaralyq seriktesteri bar ýnıversıtetterdi PhD jáne magıstratýranyń birlesken ǵylymı baǵdarlamalaryn qurýǵa yntalandyryp jatyrmyz. Nazarbaev ýnıversıtette alǵashqy split baǵdarlamasy iske qosyldy. Olar Londonnyń áıgili SOAS zertteý ýnıversıtetimen eki jyldyq magıstratýra baǵdarlamasyn bastady. Londonda 1 jyl, Qazaqstanda 1 jyl oqıdy. ıAǵnı, ekinshi bólim «Bolashaq» esebinen jabylady. Sondyqtan biz stıpendııalardyń sanyn qysqartamyz. Esesine kóptegen stýdentterge osyndaı seriktestikter esebinen bilim alýǵa múmkindik beremiz, — dep túsindirdi mınıstr.

Aıta ketý kerek, bıyl «Bolashaq» halyqaralyq stıpendııasy 217 qazaqstandyqqa buıyrǵan edi.