«Bolashaq» stıpendııasynyń ıegerleri tizimi jarııalandy

ASTANA. KAZINFORM — Shetelde kadrlar daıarlaý jónindegi respýblıkalyq komıssııanyń sheshimimen 189 qazaqstandyq halyqaralyq «Bolashaq» stıpendııasynyń ıegeri atandy. 

Bıyl konkýrstyq irikteý jańa erejege saı kezeń-kezeńimen ótip jatyr. Onyń aıasynda keshendi testileý jáne jeke suhbattar júrgizildi.

— Jańa stıpendıattardyń jalpy sanynan 164 azamat — magıstratýra, 10 azamat doktorantýrada oqıdy. Sondaı-aq 15 azamat álemniń eń úzdik ýnıversıtetteri men ortalyqtarynda taǵylymdamadan ótedi, — delingen habarlamada.

«Bolashaq» stıpendııasynyń ıegerleriniń tolyq tizimin myna jerden kóre alasyzdar.

Aıta ketelik 189 qazaqstandyq «Bolashaq» stıpendııasyn jeńip alǵany týraly jazǵan edik.