«Bolashaq» stıpendııasyna qujat qabyldaý qashan bastalady – buıryq jobasy
ASTANA. KAZINFORM – «Bolashaq» halyqaralyq stıpendııasyna qujat qabyldaý jáne konkýrsty ótkizý merzimin bekitý týraly Ǵylym jáne joǵary bilim mınıstri buıryǵynyń jobasy «Ashyq NQA» portalynda jarııalandy.
Jobada «Bolashaq» halyqaralyq stıpendııasyna qujat qabyldaý 2025 jylǵy 3 naýryz ben 17 qazan aralyǵynda júrgizý josparlanyp otyr. Al konkýrsty ótkizý 2025 jylǵy 1 sáýir men 31 jeltoqsan aralyǵy bolyp bekitilsin delingen mınıstrdiń buıryǵynda.
Qujat jobasy bıyl 23 qańtarǵa deıin qoǵamnyń talqysyna usynylyp otyr.
Eske sala keteıik, Májiliste daryndy jastarǵa «Bolashaq» arqyly bakalavr deńgeıinde bilim alýǵa ruqsat beretin zań jobasy qaralyp jatyr.
Sondaı-aq, «Bolashaq» baǵdarlamasy boıynsha kimder bakalavr deńgeıinde oqı alatynyn jazǵan bolatynbyz.
Aıta ketsek, byltyr jeltoqsanda 271 azamatqa «Bolashaq» halyqaralyq stıpendııasyn taǵaıyndaý týraly sheshim qabyldandy.