«Bolashaq» stıpendııasy men ǵylymı taǵylymdama ıegerleriniń esimi belgili boldy
ASTANA. KAZINFORM — «Bolashaq» halyqaralyq stıpendııasy men «Ǵylymı taǵylymdamalar» baǵdarlamasynyń ıegerleri jarııalandy.
Respýblıkalyq komıssııanyń sheshimimen Qazaqstannyń 184 azamaty «Bolashaq» stıpendııasynyń ıegeri atandy: 137 azamat magıstratýrada, 10 azamat doktorantýrada bilim alady, al 37 maman kásibı taǵylymdamadan ótedi. Sonymen qatar, 51 qazaqstandyq ǵalymǵa álemniń jetekshi ǵylymı-zertteý ortalyqtarynda ǵylymı taǵylymdamadan ótý múmkindigi berildi.
— Biz úshin «Bolashaq» — shetelde bilim alýǵa múmkindik beretin baǵdarlama ǵana emes. Bul — adam kapıtalyna jáne Qazaqstan ekonomıkasynyń bolashaǵyna salynǵan ınvestıtsııa. Bizdiń mindetimiz — elge ozyq bilim men quzyretter asa qajet baǵyttar boıynsha mamandar daıarlaý. Atap aıtqanda, atom ónerkásibi, medıtsına, ınjenerııa, jasandy ıntellekt, jańa materıaldar, energetıka, bıotehnologııa jáne basqa da joǵary tehnologııalyq salalar, — dep jazdy Ǵylym jáne joǵary bilim mınıstri Saıasat Nurbek.
«Bolashaq» halyqaralyq stıpendııasy men «Ǵylymı taǵylymdamalar» baǵdarlamasynyń ıegerleri tizimin myna jerden kórýge bolady.
Eske salaıyq, buǵan deıin magıstratýra boıynsha 2026–2027 oqý jylyna arnalǵan bilim granttary ıegerleriniń tizimi jarııalanǵanyn habarlaǵanbyz.
