«Bolashaq» stıpendıattarynyń úshten biri Ulybrıtanııany tańdaıdy - Djeıms Kleverlı

ASTANA. QazAqparat – «Bolashaq» baǵdarlamasymen bilim alýǵa nıetti qazaqstandyqtardyń úshten biriniń tańdaýy Ulybrıtanııaǵa túsedi. Bul týraly Ulybrıtanııanyń syrtqy ister mınıstri Djeıms Kleverlı málim etti, dep habarlaıdy QazAqparat tilshisi.

«Qazaqstanda joǵary bilim berý salasynda aǵylshyn tildi hab damytylyp jatqanyn bildim. Atalǵan maqsatqa jetýge biz kómekteskimiz keledi. Ekijaqty seriktestigimizde bilim berý – qashanda mańyzdy baǵyttardyń biri. «Bolashaq» baǵdarlamasy stıpendıattarynyń úshten biri Ulybrıtanııada oqýdy tańdaıdy», - dedi Djeıms Kleverlı SІM-de ótken kezdesýden keıingi baspasóz máslıhatynda.

Brıtandyq meımannyń aıtýynsha, eki el arasynda buryn-sońdy dál qazirgideı qarym-qatynas bolǵan emes.

«Qazaqstan men Ulybrıtanııanyń bolashaǵyn basqaratyn myńdaǵan «Bolashaq» jáne Chevening stıpendıattary bizdiń ýnıversıtetterde bilim alyp, tájirıbe men daǵdylarǵa ıe bolady. Ulybrıtanııa sizdermen dostyǵyn maqtan tutady. Biz Qazaqstannyń senimdi serigi bolyp qala beremiz», - deıdi Ulbrıtanııanyń syrtqy ister mınıstri.

Aıta keteıik, Ulybrıtanııanyń Syrtqy ister mınıstri Djeıms Kleverlı Qazaqstanǵa alǵash ret resmı saparmen keldi.

Mártebeli meımandy Memleket basshysy Qasym-Jomart Toqaev qabyldady.

Syrtqy ister mınıstrliginde ótken resmı kezdesýden keıin Djeıms Kleverlı Qazaqstan men Ulybrıtanııa yntymaqtastyǵynyń basym baǵyttaryn atap ótti.

Sondaı-aq, Ulybrıtanııa syrtqy ister mınıstriniń qatysýymen elordada Ulybrıtanııa patshaıymy ІІ Elızavetanyń qurmetine skver ashyldy.