«Bolashaq» stıpendıattary ómirinen alynǵan shynaıy oqıǵalar boıynsha túsirilgen fılm kórermen nazaryna usynylady

ASTANA. 14 naýryz. QazAqparat - Erteń Astanada Sh. Aımanov atyndaǵy "Qazaqfılm" kınostýdııasy túsirgen «Armandastar» fılminiń premerasy ótedi, dep habarlady QR Mádenıet jáne aqparat mınıstrliginiń baspasóz qyzmetinen.

Atalǵan fılm Qazaqstan Respýblıkasy prezıdentiniń "Bolashaq" halyqaralyq stıpendııa ıegerleri týraly. Fılm «bolashaqtyqtardyń» ómirinen alynǵan shynaıy oqıǵalarǵa negizdelgen.

Sıýjet jelisinde - álemniń jetekshi ýnıversıtetterine oqýǵa túsken jas qazaqstandyqtardyń taǵdyry. Ár keıipkerdiń óz oqıǵasy bar. Bireýi mahabbatyn tabady, qıyndyqtardy jeńip, qýaty arta túsedi, al bireýi ómir synynan óte almaı, erte jeńiledi. Osylaısha jas memlekettiń aıaǵynan turý fonynda keıipkerler tulǵasynyń, olardyń maqsattary men ómirlik josparynyń damýy men qalyptasýy da qatar júredi.

Birneshe jyl ótken soń ózderiniń kásibı joldaryn bastaý úshin dostar úılerine oralady. Alaıda Otanda olardyń taǵdyrlary qıyn jaǵdaıda qaıtadan toǵysady...