«Bolashaq» stependıanttary DDU maquldaǵan vaktsınany qaıta ala alady

NUR-SULTAN. QazAqparat - «Bolashaq» baǵdarlamasynyń stıpendıanttaryna Dúnıejúzilik densaýlyq saqtaý uıymy maquldaǵan vaktsınalarǵa qol jetimdilik qamtamasyz etildi.

Bul másele Bilim jáne ǵylym mınıstrliginiń ótinishi boıynsha koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııanyń otyrysynda qaraldy.

Nátıjesinde VAK stıpendıattardy DDU maquldaǵan vaktsınamen vaktsınatsııalaýǵa ruqsat berdi.

Osyndaı sheshimniń arqasynda «Bolashaq» stıpendııasynyń ıegerleri DDU maquldaǵan vaktsınalardy alǵan kezde ǵana kirýge ruqsat etilgen elderge kedergisiz bara alady.

Esterińizge sala keteıik, 2021 jyldyń 8 qarashasynan bastap AQSh-qa DDU maquldaǵan vaktsınalar alǵan adamdarǵa ǵana kirýge ruqsat etiledi. Bul tizimge Pfizer-BioNTech, Moderna, Johnson&Johnson, AstraZeneca, Covishield, BIBP/Sinopharm, Sinovac vaktsınalary kiredi. Uqsas erejeler Avstralııaǵa jáne birqatar basqa elderge kirý úshin de qoldanylady.

«Avstralııaǵa, Kanadaǵa, Jańa Zelandııaǵa, AQSh-qa jáne Japonııaǵa oqýǵa nemese taǵylymdamadan ótýge baratyn «Bolashaq» stıpendıattarynyń oqýlaryna kedergi keltirmeý úshin BǴM DSM-ge DDU maquldaǵan vaktsınany berý múmkindigin qaraý týraly hat joldady. Atalǵan elderdiń aýmaǵyna kirý úshin DDU maquldaǵan preparattardyń eki dozasymen tolyq vaktsınatsııalaý qajet ekenin atap ótken jón. VAK bizdiń usynysymyzdy qoldady. Nátıjesinde BIBP/Sinopharm vaktsınasyn alýǵa ruqsat berildi», - dedi QR Bilim jáne ǵylym vıtse-mınıstri Qýanysh Erǵalıev.