Bolashaq shekarashy ofıtserler áskerı sheberlik mektebinen ótti
ASTANA. 16 qańtar. QazAqparat - Qazaqstan Respýblıkasy Ulttyq qaýipsizdik komıteti Shekara akademııasy 3 kýrs stýdentteriniń «Ońtústik» jáne «Shyǵys» óńirlik basqarmalaryndaǵy óndiristik tájirıbeleri aıaqtaldy.
Bir aıǵa sozylǵan merzim ishinde bolashaq shekara saqshylary teorııalyq, ádistemelik bilimderin is júzinde pysyqtady. Shekara zastavalary men jekelegen ótkizý-baqylaý beketterinde 150-den astam kýrsanttar komandırlik-uıymdastyrýshylyq qyzmettiń qyr-syryna qanyqty, jeke qurammen, qyzmettik qujattarmen qalaı jumys isteý kerektigimen is júzinde tanysty.
Birinshi aqpannan bastap atalǵan akademııanyń 4 kýrsynyń 250-ge jýyq kýrsanttary áskerı is-tájirıbege attanatyn bolady. Bolashaq ofıtserler «Shyǵys», «Jaǵalaý kúzeti» jáne «Ońtústik» óńirlik basqarmalarynda is-tájirıbeden ótedi.
Bolashaq ofıtserler akademııadaǵy oqý barysynda Qazaqstan Respýblıkasynyń ulttyq qaýipsizdigin qamtamasyz etý boıynsha qoıylǵan tapsyrmalardy oryndaýǵa, sheshýge qajetti deńgeıde áskerı bilim alyp, daıyndyqtan ótip shyǵady, dep habarlady QR UQK ShQ baspasóz qyzmetinen.
