«Bolashaq» shahtasyndaǵy jazataıym oqıǵanyń sebepterin arnaıy komıssııa anyqtaıdy
ASTANA. KAZINFORM – Aqtóbe oblysyndaǵy jazataıym oqıǵanyń sebepterin arnaıy komıssııa anyqtaıdy.
- Aqtóbe oblysynda «Qazhrom» TUK» AQ fılıaly – Don taý-ken baıytý kombınatynyń («Fılıal») jumysshylarymen bolǵan toptyq jazataıym oqıǵany tergeý úshin arnaıy komıssııa qurylady, - delingen habarlamada.
Qazaqstan Respýblıkasynyń Eńbek kodeksiniń 188-baby 4-tarmaǵyna sáıkes, bul fakti boıynsha toptyq jazataıym oqıǵany arnaıy tergeý úshin komıssııa qurylatyn bolady. Jazataıym oqıǵanyń mán-jaıy men sebepteri tergeý barysynda anyqtalady.
Eske salsaq, búgin Hromtaý aýdanyndaǵy «Bolashaq» shahtasynda qysqa merzimdi tuıyqtalý bolyp, 4 jumysshyny kúıik shaldy. Qazirgi kezde osy shahtada ken óndirý jumystary toqtatyldy.
Polıtsııa taý-ken nemese qurylys jumystaryn júrgizý kezinde qaýipsizdik erejelerin buzý faktisi boıynsha qylmystyq isti tirkedi. Bir jumysshy jansaqtaý bóliminde jatyr.
«Bolashaq» shahtasyndaǵy oqıǵa kezinde 200-den astam jumysshy jer ústine shyǵarylǵan edi.