«Bolashaq» shahtasyndaǵy oqıǵadan soń qylmystyq is qozǵaldy

AQTÓBE. KAZINFORM – «Bolashaq» shahtasyndaǵy tótenshe oqıǵadan soń polıtsııa qylmystyq is qozǵady. Al dárigerler kenshilerdiń biri jansaqtaý bóliminde jatqanyn habarlady.

«Болашақ» шахтасындағы оқиғадан соң қылмыстық іс қозғалды
Фото: gov.kz

Hromtaý aýdanyndaǵy oqıǵadan soń polıtsııa tergeýdi bastap ketti. 

- «Qazhrom TUK» AQ Dóń taý-ken baıytý kombınatynda sýtegin shashylyp, saldarynan termııalyq kúıikpen 4 adam aýrýhanaǵa jetkizildi. Polıtsııa taý-ken nemese qurylys jumystaryn júrgizý kezinde qaýipsizdik erejelerin buzý faktisi boıynsha qylmystyq isti tirkedi, - dedi Asaýp Baýyrjan PD Tergeý basqarmasynyń bastyǵy.

Qazir zardap shekken kenshiler Hromtaý aýdandyq aýrýhanasyna jetkizildi.

- Aýrýhanaǵa 4 jumysshy jetkizildi. Olardyń ekeýi travmatologııa bóliminde jatyr. Al bireýi úıine jiberildi. Taǵy bir jumysshy jansaqtaý bóliminde jatyr. Jaǵdaıy aýyr,- dedi Hromtaý aýdandyq aýrýhanasy bas dárigeriniń orynbasary Lıýdmıla Volnenko.

Eske salsaq, búgin Hromtaý aýdanyndaǵy «Bolashaq» shahtasynda qysqa merzimdi tuıyqtalý bolyp, 4 jumysshyny kúıik shaldy. Qazirgi kezde osy shahtada ken óndirý jumystary toqtatyldy

Сейчас читают