«Bolashaq» shahtasyndaǵy apat: Bir jumysshy kóz jumdy
AQTÓBE. KAZINFORM – «Bolashaq» shahtasyndaǵy tótenshe jaǵdaı kezinde zardap shekken jumysshy kóz jumdy.

Hromtaý aýdany Dóń-ken baıytý kombınatyna qarasty «Bolashaq» shahtasynyń jumysshysy aýrýhanada kóz jumdy.
- Barlyǵy 3 jumysshy dáriger kómegine júgindi. Olardyń ekeýi jaqsy bolyp, úıine shyǵaryldy.
Al bir naýqasqa polıaǵzalyq jetispeýshilik dıagnozy qoıylyp, sanavıatsııamen Kópsalaly oblystyq aýrýhanaǵa jetkizildi. Alaıda naýqas kóz jumdy,- dedi Aqtóbe oblystyq densaýlyq saqtaý basqarmasynyń baspasóz qyzmeti.
Aqtóbe oblystyq eńbek ınpektsııasy departamentiniń basshysy Jandos Álimovtiń aıtýynsha, tótenshe jaǵdaıdyń negizgi sebebin anyqtaý úshin shamamen bir aıdaı ýaqyt kerek. Al «Bolashaq» shahtasy óz jumysyn qaıta jalǵastyrǵan.
Eske salsaq, Hromtaý aýdanyndaǵy «Bolashaq» shahtasynda qysqa merzimdi tuıyqtalý bolyp, 4 jumysshyny kúıik shaldy. Sol kúni shahtada ken óndirý jumystary toqtatyldy.
Keıin birden qylmystyq is qozǵaldy.
Oqıǵa bolǵan kúni «Bolashaq» shahtasynda jumys istep jatqan 228 jumysshynyń bári jerastynan joǵary shyǵaryldy. Oblystyq tótenshe jaǵdaılar departamenti jedel jelini iske qosty.