Bolashaq prodıýserler alǵashqy mádenı sharalaryn ótkizdi
ALMATY. 16 sáýir. QazAqparat /Erbol Azanbek/ - Almatydaǵy Qurmanǵazy atyndaǵy konservatorııada «Konservatorııa arýy 2011» konkýrsy ótti.
Sharanyń ereksheligi konkýrsty art-menedjment mamandyǵy boıynsha bilim alatyn 3 kýrs stýdentteri uıymdastyrǵan. Olar Qazaqstanda bul mamandyq boıynsha bilim alyp jatqan birinshi top. Bolashaq prodıýserler, menedjerler, dırektorlar jáne óner salasy boıynsha uıymdastyrýshy mamandar ózderiniń 3 jyl alǵan teorııalyq bilimin is júzinde júzege asyryp kórýdi sheshken. Olar bilimderiniń joǵary deńgeıde ekenderin kórsetti de. Oǵan kýá qazaqstandyq shoý-bıznes ókilderinen quralǵan bedeldi ádilqazylar, brendti demeýshiler, anshlag jáne qyzyqty, kóńildi baǵdarlama. «K7» tobynyń jetekshisi, shoýmen Erlan Kókeevtiń aıtýynsha, qazaqstandyq shoý bızneste mádenı sharalardy uıymdastyrýshy kásibı mamandardyń joqtyǵy máselesi bar. Kóptegen mýzykalyq toptar kásibı menedjmenttiń joqtyǵynan qıyndyqqa ushyraıdy.
«Tájrıbe júzinde uıymdastyrý jumystaryn burynǵydaı kórkemónerpezdardyń jetekshileri, toptardyń jetekshileri moınyna alyp jatady. Alaıda ýaqyt talaptary qatań, sondyqtan ondaı jumystardyń nátıjesi de shamaly, konservatorııanyń osy saladaǵy alǵashqy túlekteri otandyq shoý-bızneske sapaly menedjment alyp keledi dep senemin»,- dedi E.Kókeev.
Eń úzdik arýdy anyqtaýǵa konservatorııa rektory Janııa Áýbákirova qatysty. Shara qorytyndysy boıynsha qatysýshylardyń barlyǵy rektor atynan baǵaly syılyqtarmen marapattaldy.
