«Bolashaq» prezıdenttik stıpendııanyń túlekteri 110 jetim balanyń arman-tilekterin oryndady
ASTANA. 15 aqpan. QazAqparat - «Bolashaq» prezıdenttik stıpendııasynyń túlekteri «Nur Otan» partııasynyń «Jas Otan» jastar qanatymen birlesip, Astanadaǵy jetimder úıinde tárbıelenip jatqan 110 balanyń arman-nıetterin oryndady.
«Nıet aǵashy» atty qaıyrymdylyq sharasy 2012 jyly uıymdastyryldy. «SOS «Balalar qalashyǵy» jáne qaladaǵy jetimder úıiniń tárbıelenýshileri atalmysh «aǵashtyń» japyraqtaryna ózderiniń arman-tilekterin jazǵan bolatyn. Búgingi ýaqytta 110 balanyń qalaýy oryndaldy.
«Bolashaq» túlekteri qaýymdastyǵynyń baspasóz qyzmeti málim etkenindeı, balalar negizinen uıaly telefon, MP3-pleıer, qysqy kúrteshe, velosıped, konkı, fotoapparat, karaoke bolǵanyn qalaıdy eken.
