Bolashaq pedagogtar úshin 30 ınnovatsııalyq bilim berý baǵdarlamasy engiziledi

ASTANA. QazAqparat – 2023-2024 oqý jylynda bolashaq pedagogtar úshin 30 ınnovatsııalyq bilim berý baǵdarlamasyn engizý josparlanǵan. Bul jaıynda Májilis depýtattarynyń saýalyna Úkimet basshysy Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Pedagogıkalyq joǵary jáne joǵary oqý ornynan keıingi bilim uıymdary bilim berý baǵdarlamalaryn únemi ózektendiredi. Aıtalyq, úzdik álemdik tájirıbeni eskere otyryp, bilim berý baǵdarlamalarynyń 73 paıyzy jańartyldy. 2023-2024 jylynda Dúnıejúzilik banktiń «Pedagogıkalyq bilimniń áleýetin kúsheıtý» jobasy aıasynda ázirlengen 30 ınnovatsııalyq bilim berý baǵdarlamasyn engizý josparlanyp otyr», - dep atap ótedi Premer-Mınıstr jaýabynda.

Álıhan Smaıylov bolashaq pedagogtardyń tájirıbelik daıyndyǵyn kúsheıtý úshin pedagogıkalyq joǵary jáne joǵary oqý ornynan keıingi bilim uıymdary mektepke deıingi, jalpy orta, tehnıkalyq jáne kásiptik bilim berý uıymdarymen 200-den astam kelisimshart jasasqanyn atap ótedi.

«Stýdentterdiń tájirıbege baǵdarlanǵan bilim alýyn, sonymen qatar 1-den 4 kýrsqa deıin tájirıbeniń barlyq túri boıynsha tálimgerlerge eńbekaqy tóleýdi qarastyratyn pedagogıkalyq tájirıbe júrgizý jónindegi jańa ádistemelik usynym bekitildi», - dedi Úkimet basshysy.