Bolashaq pedagogtar 42 myń teńge stıpendııa alatyn bolady: Prezıdent tapsyrmasy
NUR-SULTAN. QazAqparat – QR Prezıdenti Qasym-Jomart Toqaev pedagogıka mamandyqtarynyń stıpendııasyn 26 myń teńgeden 42 myń teńgege arttyrýdy tapsyrdy, dep habarlaıdy QazAqparat tilshisi.
«Pedagogıka mamandyqtaryna túsýge qoıylatyn talaptardy birtindep arttyrý qajet. Olardy tartymdy ete túsý úshin bolashaq muǵalimderge arnalǵan shákirtaqyny 26 myńnan 42 myń teńgege deıin arttyrý kerek», - dedi Memleket basshysy Ulttyq qoǵamdyq senim keńesiniń onlaın formattaǵy 3-otyrysynda.
Aıta keteıik, QR Prezıdenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń úshinshi otyrysy ótip jatyr. Kezekti otyrys adamı kapıtaldy damytýǵa, atap aıtqanda, bilim berý, densaýlyq saqtaý máselelerine arnalǵan.
