«Bolashaq oıyndary»: Team KZ reseılik komandamen chempıondyqqa talasady
ASTANA. KAZINFORM – Qazaqstandyq Team KZ komandasy «Bolashaq oıyndary – 2026» jarysyndaǵy Phygital Shooter fınalynyń vırtýaldy bóliginde basym tústi. Al jarystyń fızıkalyq bóligi – lazertagta reseılik LIGA PRO TEAM 6:1 esebimen jeńiske jetti. Endi chempıondyq ataqtyń taǵdyry úshinshi oıynda sheshiledi.
«Bolashaq oıyndarynyń» alǵashqy kezeńderinen bastap LIGA PRO TEAM osy dıstsıplınadaǵy eń myqty qatysýshylardyń biri sanaldy. Komanda týrnırdiń aldyńǵy satylarynan senimdi ótip, fınalda da óz mártebesin dáleldep, esepti jyldam teńestirdi.
Endi chempıondyq ataqtyń taǵdyry úshinshi oıynda sheshiledi. Komandalar qaıtadan vırtýaldy kezeńge oralyp, CS2 oıynyndaǵy Nuke kartasynda sońǵy matchty ótkizedi.
Eki oıynnan keıingi fınaldyq qarsylasýdaǵy esep teń – 1:1.
Buǵan deıin qazaqstandyq Novaq komandasy qola júldeden qaǵyldy.
