«Bolashaq oıyndary – 2026»: Phygital Football jarysynyń jeńimpazdary anyqtaldy
ASTANA. KAZINFORM – Elordada halyqaralyq «Bolashaq oıyndary – 2026» aıasynda ótken Phygital Football jarysy máresine jetti.
Úshinshi oryn úshin ótken kezdesýde Gvatemalanyń Club Holcattes komandasy Ózbekstannyń FC OLYMPIC PHYGITAL klýbymen baq synasty. Matchta ózbekstandyq ujym 1:0 esebimen jeńiske jetti. Jalǵyz gol oıynnyń fızıkalyq kezeńinde soǵyldy. Al tsıfrlyq kezeń 0:0 esebimen aıaqtaldy.
Týrnır fınalynda Meksıkanyń Quetzales-Armadillos komandasy men Ýrýgvaıdyń NS Team ujymy kezdesti.
Negizgi tartys 3:3 esebimen teń aıaqtaldy. Tsıfrlyq kezeńde meksıkalyq komanda 1:0 esebimen basym túskenimen, fızıkalyq kezeńde NS Team qarymta qaıtaryp, kezeńdi 3:2 esebimen óz paıdasyna sheshti.
Jeńimpazdy anyqtaý úshin penaltı serııasy ótkizildi. Onda ýrýgvaılyq komanda dálirek oınap, 4:3 esebimen jeńiske jetti.
Osylaısha, jarys qorytyndysy boıynsha Ýrýgvaıdyń NS Team komandasy altyn medal ıelendi. Meksıkanyń Quetzales-Armadillos ujymy kúmis júldege qol jetkizse, qola medal Ózbekstannyń FC OLYMPIC PHYGITAL komandasyna buıyrdy.
Aıta keteıik, keshe qazaqstandyq Team KZ Phygital Shooter CS 2 dıstsıplınasy boıynsha chempıon atandy.
