«Bolashaq oıyndary – 2026»: MOBA Mobile jarysynyń jeńimpazdary anyqtaldy
ASTANA. KAZINFORM – Elordada halyqaralyq «Bolashaq oıyndary – 2026» aıasynda ótken MOBA Mobile dıstsıplınasy boıynsha jarys aıaqtaldy.
J.Úshkempirov atyndaǵy Jekpe-jek saraıynda ótken fınalda Indonezııanyń ONIC jáne Malaızııanyń Bigetron by Vitality komandalary kezdesti. BO5 formatynda ótken match 3:1 esebimen – malaızııalyq komandanyń jeńisimen aıaqtaldy.
Bigetron by Vitality saıys tizginin birden qolǵa alyp, alǵashqy eki kartany 1:0 jáne 1:0 esebimen óz paıdasyna sheshti. Úshinshi kartada ONIC esep aıyrmasyn qysqartqanymen, tórtinshi kartada malaızııalyq komanda qaıtadan basym túsip, matchty jeńispen qorytyndylady.
Fınaldyq kezdesýdiń jalpy uzaqtyǵy 1 saǵat 6 mınýt 27 sekýndqa sozyldy.
Jarys qorytyndysy boıynsha Bigetron by Vitality komandasy MOBA Mobile dıstsıplınasynda altyn medal jeńip aldy. Kúmis júlde Indonezııanyń ONIC tobyna buıyrsa, Aurora Gaming komandasy – qola júldeger atandy.
Buǵan deıin Phygital Football jarysynda Ýrýgvaıdyń NS Team komandasy jeńimpaz atanǵan edi.
Keshe qazaqstandyq Team KZ Phygital Shooter CS 2 dıstsıplınasy boıynsha chempıon atandy.
