Bolashaq muǵalim, dáriger, agronom jasandy ıntellekt boıynsha bazalyq bilimdi mindetti túrde meńgerýi kerek - Toqaev
Ýnıversıtetterde pánderdi oqytýdyń mazmuny men ádisin aıtarlyqtaı jańartý qajet. Bul týraly Digital Bridge 2023 halyqaralyq tehnologııalyq forýmynda Memleket basshysy Qasym-Jomart Toqaev aıtty, dep habarlaıdy Kazinform.
«Ýnıversıtetterde pánderdi oqytýdyń mazmuny men ádisin aıtarlyqtaı jańartý qajet. Bolashaq muǵalimder, dárigerler, agronomdar, zańgerler jáne salalyq mamandar jasandy ıntellekt boıynsha bazalyq bilimdi mindetti túrde meńgerýi kerek. Men jýyrdaǵy Joldaýymda keminde úsh belgili joǵary oqý orny jasandy ıntellekt baǵytyna qajetti kadr daıarlaýmen jáne zertteýler júrgizýmen aınalysýy kerek degen mindet júktedim», - dedi Prezıdent.
Memleket basshysy Nazarbaev Ýnıversıteti janyndaǵy Aqyldy júıeler jáne jasandy ıntellekt ınstıtýtyn tolyqqandy ǵylymı-zertteý ınstıtýtyna aınaldyrý taǵy bir mańyzdy qadam bolatyndyǵyna nazar aýdartty.
«Ol úzdik mamandar men sarapshylardyń ortalyǵyna aınalyp, birtutas ekojúıe qalyptastyrýy kerek. Instıtýt quramyna IT ındýstrııasynyń álemdik jáne otandyq kóshbasshylarymen tyǵyz baılanysta jumys isteıtin ǵylymı-zertteý jáne tájirıbelik-konstrýktorlyq jumystar ortalyǵy kiredi. Osy rette Instıtýt ázirlemelerin kommertsııalandyrý jáne keńeıtý mańyzdy», - dedi Qasym-Jomart Toqaev.
