«Bolashaq mamandardy 12 jyldyq oqytýǵa kóshý jaǵdaıyna daıarlaý máseleleri men keleshegi» atty konferentsııa ótti

 dep habarlaıdy QazAqparat.

         Atalmysh oqý ornynyń psıhologııa-pedagogıka fakýltetiniń uıymdastyrýymen ótken konferentsııada ǵalymnyń shákirtteri men áriptesteri jáne ǵalym-ustazdar  Ramseıit  Qoıanbaevtyń  ózi men eńbegin, bilim salasyna qosqan úlesin, onyń pedagogıkalyq kózqarastaryn, sondaı-aq bastaýysh synyp ustazdarynyń jeke   tulǵa retinde qalyptasýyna qosqan úlesterine baǵa berip, eske aldy. Sonymen qatar jıyn barysynda  12 jyldyq oqytýǵa kóshýdiń keleshegi, ustazdardy daıarlaý máseleleri men bilim sapasyn kóterý jaıy aıtyldy.

         «Ǵalym-ustaz Ramseıit Qoıanbaev qazirgi kezde ózekti bop otyrǵan oqytýdyń kredıttik júıesi, 12 jyldyq bilim berý júıesi, shaǵyn jınaqy mektepke maman daıyndaý, joǵary oqý ornynan keıingi bilim berý júıesindegi taǵy da basqa máselelerdi osydan 10-15 jyl buryn kóterip, óz jarııalanymdaryna arqaý etti jáne oqý-tárbıe úderisine endirip, oqý ádistemelik josparlardy jasap, bilim mınıstrlikterine usyndy. Ol jan-jaqty bilimdi, adamgershiligi mol, qarapaıym, kishipeıil pedagog-ustaz. Ol 12 jyldyq bilimge kóshýdi qýattaıtyn», deıdi Abaı atyndaǵy Qazaq ulttyq pedagogıkalyq ýnıversıtetiniń professory, pedagogıka ǵylymdarynyń doktory Saǵıra Rahmetova.

         R.Qoıanbaev 1939 jyly  jeltoqsannyń 10-ynda Qyzylorda qalasynda dúnıege kelgen. Qyzylorda oblystyq partııa komıteti men Qazaq SSR Joǵarǵy Keńesi Tóralqasynda túrli qyzmet atqara júrip, ol 1980 jyly pedagogıka ǵylymy boıynsha kandıdattyq dıssertatsııa qorǵady.  Atalmysh oqý ornynda 1986 jyldan 1999 jylǵa deıin ózi negizin salǵan «Bastaýysh oqytý pedagogıkasy men ádistemesi» fakýltetiniń dekany, 1999-2000 jyldary bastaýysh mektep pedagogıkasy kafedrasynyń meńgerýshisi, al 2000-2004 jyldary jańadan qurylǵan psıhologııa-pedagogıka fakýltetiniń dekany boldy. Ómiriniń sońyna deıin «Bastaýysh mektep pedagogıkasy» kafedrasynda professor qyzmetin atqardy.