«Bolashaq» qaýymdastyǵynyń músheleri stýdenttermen Elbasy Joldaýyn talqylady

ASTANA. Aqpannyń 5-i. QazAqparat /Marlan Jıembaı/ - Búgin elordadaǵy Qazaq memlekettik zań akademııasynda bolǵan «Bolashaq» qaýymdastyǵynyń músheleri stýdentterge Memleket basshysynyń qańtardyń 29-yndaǵy «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Joldaýyn túsindirip, olarmen pikir almasty.

Kezdesý barysynda atalǵan qaýymdastyqtyń múshesi Dáýren Tóleýhanov elimizdiń daǵdarystan ótý barysynda shynyǵa túskenin, tájirıbe jınaqtap, damý jolyndaǵy belsendiligin arttyra túskendigin basa aıtty. Onyń aıtýynsha, táýelsiz qazaq memleketin qurý barysynda kóptegen elder bizdiń elimizge senimsizdikpen qaraǵan. «Degenmen, Elbasymyzdyń salıqaly saıasatynyń jáne dıplomatııalyq korpýsymyzdyń nátıjeli qyzmetiniń arqasynda búkil álem Qazaqstandy demokratııalyq qaǵıdalardy berik ustanǵan beıbit el ekenin tanydy», dedi ol óz sózinde.

Kezdesý barysynda «Bolashaq» qaýymdastyǵynyń músheleri stýdentterge Memleket basshysynyń óz Joldaýynda alǵa qoıǵan mindetterin júzege asyrý barysyn jan-jaqty baıandap, damýdyń údemeli ındýstrııalyq-ınnovatsııalyq baǵdarlamasy týraly, jastardy áleýmettik qoldaý týraly pikir bólisti.