«Bolashaq» qaýymdastyǵy prezıdenttik saılaýǵa qatysty málimdeme jasady
"1993 jyly "Bolashaq" halyqaralyq stıpendııasy qurylǵan bolatyn. Qazirgi ýaqytta "Bolashaq" baǵdarlamasy QR básekege qabiletti kadrlyq áleýetin qalyptastyrýda. TMD elderiniń tarıhynda alǵash ret daryndy jastarǵa sheteldiń jetekshi oqý oryndarynda tolyǵymen memlekettiń esebinen bilim alýǵa múmkindik berildi.
Memlekettiń syndarly saıasatynyń arqasynda Qazaqstan ekonomıkasyndaǵy ındýstrııalandyrý jáne ınnovatsııalyq tehnologııalardy engizý úderisi biliminiń jańa formasy men deńgeıin ıgergen zamanaýı talaptarǵa saı jas mamandarmen qamtamasyz etilip otyr. Memleket tarapynan keleshegi mol kadrlardy daıyndaýǵa jumsalǵan qyrýar qarajat el ekonomıkasynyń ósýine, adamı kapıtal sapasynyń artýyna oń áser etetini sózsiz", - dedi ol búgin Astanada ótkizilgen arnaıy baspasóz máslıhaty barysynda.
Onyń sózine qaraǵanda, Qazaqstannyń álemdegi bedeli jyl saıyn artyp otyr.
"Álemdik qaýymdastyq Qazaqstannyń turaqty, tabysty, básekege qabiletti jáne quqyqtyq memleket qurýǵa qosyp otyrǵan úlesin joǵary baǵalaıdy. Elimizdiń álemdik arenadaǵy bedeli, Qazaqstannyń kóptegen iri halyqaralyq uıymdarǵa músheligi men tóraǵalyǵy osynyń birden bir dáleli bolyp tabylady. Biz QR Prezıdenttigine úmitker retinde Nursultan Ábishuly Nazarbaevtyń usynylýy týraly sheshimdi tolyǵymen qoldaımyz", - dep túıdi sózin ol.
