«Bolashaq» halyqaralyq stıpendııasyna úmitkerlerge tolyq málimetterdi jetkizý maqsatynda kóshpeli kezdesýler ótkiziledi
ASTANA. Mamyrdyń 6-sy. QazAqparat - Elimizdiń birqatar óńirlerinde QR Prezıdentiniń «Bolashaq» halyqaralyq stıpendııasyna úmitkerlerge tolyq málimetterdi jetkizý maqsatynda «Halyqaralyq baǵdarlamalar ortalyǵy» AQ kóshpeli kezdesýler ótkizedi.
Bul týraly atalǵan ortalyqtyń baspasóz qyzmetinen habarlady.
«Atalǵan kezdesýler Qazaqstannyń 14 oblysy men Astana jáne Almaty qalalarynda ótedi. Іs-sharanyń maqsaty - QR Prezıdentiniń «Bolashaq» halyqaralyq stıpendııasyna úmitkerlerge 2010 jylǵy qabyldaý konkýrsynyń sharttarymen tanystyrý, irikteý erejesin túsindirý», delingen baspasóz baıanynda.
Mundaı kóshpeli kezdesýler úmitkerlerdiń qujattaryn qabyldaý naýqany barysynda júrgiziledi jáne osyǵan deıin Petropavl, Qyzylorda, Qostanaı qalalarynda ótken bolatyn.
Qazirgi ýaqytta «Bolashaq» baǵdarlamasy aıasynda álemniń 27 elinde 3000-ǵa jýyq stıpendıat bilim alýda. 17 jyl ishinde 2176 qazaqstandyq shetelde bilim alyp, elge oraldy.
