«Bolashaq» halyqaralyq stıpendııasyn taǵaıyndaý konkýrsyna qatysý úshin qujattardy qabyldaý merzimderi belgilendi

QazAqparat qujattyń mátinin taratady.

Qazaqstan Respýblıkasy Bilim jáne ǵylym mınıstrliginiń buıryǵy №35

2013 jylǵy 8 aqpan, Astana qalasy

«Bolashaq» halyqaralyq stıpendııasyn iske asyrýdyń keıbir sharalary týraly

Qazaqstan Respýblıkasy Úkimetiniń 2008 jylǵy 11 maýsymdaǵy № 573 qaýlysymen bekitilgen «Bolashaq» halyqaralyq stıpendııasyn taǵaıyndaý úshin úmitkerlerdi irikteý erejesin iske asyrý maqsatynda buıyramyn:
1. 2013 jylǵa arnalǵan «Bolashaq» halyqaralyq stıpendııasyn taǵaıyndaý konkýrsyna qatysý úshin úmitkerlerden qujattar qabyldaýdyń jáne atalǵan konkýrsty ótkizýdiń tómendegi merzimderi belgilensin:
1) qujattar qabyldaý - 2013 jylǵy 18 aqpan men 1 qazan aralyǵy;
2) konkýrs ótkizý - 2013 jylǵy 25 aqpan men 2014 jylǵy 31 qańtar aralyǵy.
2. Mynalar:
1) osy buıryqqa 1-qosymshaǵa sáıkes 2013 jylǵa arnalǵan «Bolashaq» halyqaralyq stıpendııasyn taǵaıyndaý konkýrsy jeńimpazdarynyń oqýy, tildik kýrstardan ótýi úshin usynylatyn sheteldik jetekshi joǵary oqý oryndarynyń, sheteldik uıymdardyń tizimi;
2) osy buıryqqa 2-qosymshaǵa sáıkes 2013 jylǵa arnalǵan «Bolashaq» halyqaralyq stıpendııasy sheńberinde shetelde oqý úshin mándes mamandyqtar tizbesi bekitilsin.
3. Strategııalyq josparlaý jáne aqparattyq tehnologııalar departamenti (E.M.Tólekov):
1) Qazaqstan Respýblıkasy Ádilet mınıstrliginde belgilengen tártippen osy buıryqty memlekettik tirkeýdi;
2) memlekettik tirkeýden ótkennen keıin ony buqaralyq aqparat quraldarynda resmı jarııalaýdy qamtamasyz etsin.
4. Osy buıryqtyń oryndalýyn baqylaý Bilim jáne ǵylym vıtse-mınıstri S.B.Shaıahmetovqa júktelsin.
5. Osy buıryq alǵashqy resmı jarııalanǵan kúninen bastap qoldanysqa engiziledi.

Mınıstrdiń mindetin atqarýshy S. ShAıAHMETOV.