«Bolashaq» halyqaralyq baǵdarlamasy stıpendıattary qaýymdastyǵy keńesine jańa músheler saılandy
STANA. Maýsymnyń 14-i. QazAqparat - Qazaqstan Respýblıkasy Prezıdentiniń «Bolashaq» halyqaralyq baǵdarlamasy stıpendıattary qaýymdastyǵy keńesine jańa músheler saılandy, dep habarlady qaýymdastyqtyń baspasóz qyzmeti.
Keńes músheleri - memlekettik basqarý, ekonomıka, quqyq, ınnovatsııalyq menedjment magıstrleri, AQSh pen Eýropanyń jetekshi joǵary oqý oryndarynyń túlekteri. Olar oqý bitirgennen keıin memlekekttik qyzmette, korporatıvtik bızneste, zertteý uıymdarynda jáne el aımaqtarynda tájirıbe jınaqtap úlgerdi.
Keńestiń jańa quramy aýdandarda jaǵdaıdy zerdeleýdi, jastardyń shyǵarmashylyq, qoǵamdyq jáne kásibı problemalarymen aınalysýdy jalǵastyrady. «Kúzde «Jańa sheshim» atty joba bastalady - bul zertteýshiler, jańashyldar men ónertapqyshtar úshin qaýymdastyq konkýrsy, onda árkim óz ıdeıalaryn usynyp, básekelestikke qabiletterin baǵalaıdy, sarapshylardyń kómegimen óz maqsattaryn júzege asyrý joldary qarastyrylady, sondaı-aq áriptester men ınvestorlar, pikirles adamdar izdestiriledi», - dep atap ótti baspasóz qyzmeti.
Ótken jyldyń kúzinde qaýymdastyq eldiń oblystary men qalalarynda jastarǵa arnalǵan 50-den astam shara ótkizdi. Árbir aımaqtyq ýnıversıtette jastar problemasyna arnalǵan kezdesýler men áńgimelesýler ótti.
