«Bolashaq» halyqaralyq stıpendııasy ıegerleriniń tizimi jarııalandy
ASTANA.KAZINFORM — Qazaqstandyqtar úshin álemniń úzdik ýnıversıtetteri men ǵylymı ortalyqtaryna jol ashatyn «Bolashaq» halyqaralyq stıpendııasy men «Ǵylymı taǵylymdamalar» baǵdarlamalary boıynsha konkýrs óz máresine jetti.
Shetelde kadrlar daıarlaý jónindegi Respýblıkalyq komıssııanyń sheshimimen Qazaqstan Respýblıkasynyń 184 azamatyna «Bolashaq» halyqaralyq stıpendııasy taǵaıyndaldy.
Onyń ishinde 137 azamat magıstratýra baǵdarlamalary boıynsha, 10 azamat doktorantýra baǵdarlamalary boıynsha bilim alatyn bolsa, 37 maman kásibı taǵylymdamadan ótedi.
Sonymen qatar, 51 qazaqstandyq álemniń jetekshi ǵylymı-zertteý ortalyqtarynda ǵylymı taǵylymdamadan ótý múmkindigine ıe boldy.
Respýblıkalyq komıssııanyń otyrysynda «Bolashaq» baǵdarlamasy aıasynda bakalavr dárejesin alýǵa úmitkerlerge arnalǵan jalpy bilim beretin pánder boıynsha halyqaralyq olımpıadalardyń, ǵylymı jobalardyń halyqaralyq konkýrstarynyń jáne halyqaralyq oryndaýshylar konkýrstarynyń tizbesi birqatar halyqaralyq oryndaýshy konkýrstarymen tolyqtyryldy.
Sonymen qatar, baǵdarlama tetikterin odan ári jetildirýge baǵyttalǵan birqatar máseleler qaraldy.
Grant ıegerleriniń tizimi
Aıta ketelik jasandy ıntellekt salasy boıynsha alǵashqy «Bolashaq» stıpendııalary berilgen edi.
