«Bolashaq ǵalamshary» jobasy álemniń kez kelgen núktesindegi «bolashaqtyqty» tabýǵa múmkindik beredi

ASTANA. QazAqparat - Búgin «Bolashaq» qaýymdastyǵy QR Mádenıet jáne sport mınıstrliginiń qoldaýymen «Bolashaq ǵalamshary» jobasyn usynyldy, dep habarlaıdy qaýymdastyqtyń baspacóz qyzmetinen.

www.bolashak.kz saıtynda ornalasqan biregeı ınteraktıvti modýl «Bolashaq ǵalamshary» kýrstas bolashaqtyqtardy tabýǵa, baǵdarlama stıpendıanttary arasynda qarym-qatynastardy retke keltirýge, jańa adamdarmen tanysýǵa jáne tájirıbelerimen, bilimderimen bólisýge múmkindik beredi.

Atalmysh modýlde álem kartasy ornalastyrylǵan, el/qala/JOO bólinisinde baǵdarlama stıpendıanttarynyń jalpy sany belgilengen. Nusqalardy JOO-ǵa baǵyttaǵan kezde sonda bilim alyp jatqan nemese bilim alǵan barlyq stıpendıanttardy tabýǵa, eń bastysy, olardyń áleýmettik jelilerindegi akkaýnttaryna tikeleı silteme alýǵa bolady (facebook.com, vk.com jáne t.b.). Sondaı-aq stıpendıantty Іzdeý jolaǵy boıynsha tabýǵa bolady.

Jalpy, bul joba ekonomıkanyń túrli salalaryndaǵy joǵary bilikti mamandar arasynda tıimdi ózara áreket etý júıesin qalyptastyrýǵa septigin tıgizbek.