Bolashaq Elbasynyń boıynda týa bitken kóshbasshylyq qasıeti aıqyn ańǵaryldy - synyptasy Saılaýbek Qydyrálıev
ALMATY. Maýsymnyń 21-i. QazAqparat /Erlik Erjanuly/ - "Biz sotsıalıstik jáne kapıtalıstik eki dúnıeni bastan keshirip, eki ǵasyrda ómir súrdik", dedi QR Prezıdenti Nursultan Nazarbaevtyń synyptasy, qurdasy Saılaýbek Qydyrálıev búgin Almaty ótip jatqan «Elbasynyń 70 qurdasy» dep atalatyn merekelik shara kezinde,
dep habarlaıdy QazAqparat.
«Elbasynyń tulǵa retinde qalyptasýyna keńestik ıdeologııanyń áseri óte kúshti boldy. Mektep qabyrǵasynda qoǵamdyq jumystarǵa belsene aralasqan jekelegen jastar birtindep qoǵamdyq uıymdardy basqarýǵa aralasty. Abaı atyndaǵy mekteptiń 10-shy synybyna 1958 jyldyń qyrkúıek aıynda Shamalǵandaǵy aralas mektepten 5 ul men 1 qyz aýysyp keldi. Solardyń arasynda Nursultan Ábishuly da boldy», deıdi Saılaýbek Qydyrálıev. Onyń aıtýynsha, Nursultan Ábishuly óziniń alǵyrlyǵy, tabandylyǵy, ádildigi jáne kez-kelgen tyǵyryqtan tez sheshim qabyldap shyǵa alatyn qasıetetimen birden kózge túsken. Sonyń nátıjesinde 1,5 aıdan keıin jańa oqý ornynda komsomol komıtetiniń hatshysy bolyp saılanady. Bul bolashaq Elbasynyń boıyndaǵy týa bitken kóshbasshylyq qasıetin aıǵaqtaıdy.
