Bolashaq dárigerler óńirlerde jumys isteýge mindettelýi múmkin

ASTANA. QazAqparat - Memlekettik bilim granty esebinen elimizdiń joǵary medıtsınalyq oqý ornynda bilim alǵan mamandar óńirlerde jumys isteýge mindettilýi múmkin. Bul týraly búgin QR Parlamenti Májilisinde densaýlyq saqtaý salasyn tsıfrlandyrý taqyrybynda ótken Úkimet saǵatynda elimizdiń Densaýlyq saqtaý mınıstri Eljan Birtanov aıtty, dep habarlaıdy QazAqparat.  

Shara barysynda Májilis depýtaty Arman Qojahmetov shaǵyn qalalardy medıtsınalyq kadrlarmen qamtamasyz etýdegi problemany kóterdi.

«Jastar ol jaqqa barmaıdy. Osy problemanyń aıasynda sońǵy ýaqyttarda jas mamandardyń ózderiniń patsıentterinen de qorqatyn tendentsııa baıqalady. Osy rette Densaýlyq saqtaý men Bilim jáne ǵylym mınıstrlikteri atalǵan problemany sheshý úshin qandaı jospary bar?», - dep surady ol Eljan Birtanovtan.

Atalǵan másele boıynsha sóz alǵan Densaýlyq saqtaý mınıstri aýyldyq eldi mekenderdiń emhanalaryna tapshy mamandyqtardy jedel oqytýǵa baǵyttalǵan birqatar sharanyń ótken jyly qabyldanǵanyn eske saldy.

«Jalpy tájirıbe dárigerlerin mindetti túrde úsh jyldyq rezıdentýradan ótý qajettiligin alyp tastadyq. ıAǵnı, olar ınternatýradan keıin birden jumys isteı alady. Osyndaı birqatar mamandyq boıynsha jedel qaıta daıyndyqtan ótý múmkindigin berdik», - dedi ol.

Sonymen qatar mınıstr memleket tegin oqý úshin granttardy jetkilikti deńgeıde bólip otyrǵanyn, alaıda bilim alǵandarǵa jaýapkershilik júktelmegendikten barlyǵy qalada jumys isteýge tyrysatyndyǵyn aıtty.

«Sonyqtan qazirgi ýaqytta bul máseleni jańa kodeks aıasynda talqylaýǵa shyǵaramyz. Densaýlyq saqtaý salasynda ótkenge oralý máselesin kótermekpiz. ıAǵnı, eger adam memleket qoldaýymen bilim alatyn bolsa, onda ol belgili bir ýaqyt memlekettik komıssııa  kadr tapshylyǵyn joıý úshin qaıda jiberse sonda jumys isteýi tıis», - dedi Eljan Birtanov.

Al Bilim jáne ǵylym mınıstrliginiń jaýapty hatshysy Aryn Orsarıev qazirgi ýaqytta jumys toby iri óńirlik joǵary oqý oryndary bazasynda medıtsınalyq mamandyqtar, fakýltetter ashý múmkinshiligin zerdelep jatqanyn aıtty.