Bolashaq búginnen bastalady - EQYU Parlamenttik Assambleıasynyń tóraǵasy
trong>. Mamyrdyń 14-i. QazAqparat /Erlik Erjanuly/ - Bolashaq búginnen bastalady. Ol Aýǵanstanǵa da, Qyrǵyzstanǵa da qatysty. Bul búgin Almatyda ótip jatqan «EQYU-nyń eýrazııalyq ólshemi» degen taqyryptaǵy Transazııalyq parlamenttik forýmda sóz boldy,
dep habarlaıdy QazAqparat.
«Men Parlamenttik Assambleıanyń EQYU-men birge taıaý arada bolyp ótken Qyrǵyzstan daǵdarysyndaǵy, atap aıtqanda, bizdiń vıtse-prezıdent Qasym-Jomart Toqaev myrzanyń jáne Qyrǵyzstandaǵy bizdiń ókilimiz professor Mıtteldiń rólin aıtqym keledi. Biz Qazaqstan ókildiginiń rólin joǵary baǵalaımyz», deıdi EQYU Parlamenttik Assambleıasynyń tóraǵasy Joao Soaresh. Onyń aıtýynsha, EQYU Parlamenttik Assambleıasy EQYU-ǵa Qazaqstannyń tóraǵalyǵyn o bastan-aq qoldady. Qazaqstan tóraǵalyqty tamasha júrgizip otyr. Parlamentshiler Qazaqstannyń EQYU tóraǵalyq etýin jáne qazirgi tóraǵanyń jumysyna jáne baýyrlastyq qarym-qatynasyna qoldaý kórsetedi.
«Men ony qazirgi is basyndaǵy tóraǵa Qanat Saýdabaev myrzaǵa qarata aıtqym keledi. Óıtkeni, ol damylsyz jáne óte kásibı turǵydan qarqyndy jumys istep otyr. Parlamenttik Assambleıa sol sııaqty EQYU-na múshe memleket basshylarynyń joǵary deńgeıdegi kezdesýin ótkizý bastamasyn ol ıdeıany Elbasy N. Nazarbaev jarııa etken kezden beri qoldaıdy», deıdi Joao Soaresh myrza.
