«Bolashaq búginnen bastalady» áskerı-patrıottyq tárbıeleý máselelerine arnalǵan úzdik jarııalanymdar baıqaýy ótedi
Buqaralyq aqparat quraldarynda «Bolashaq búginnen bastalady» áskerı-patrıottyq tárbıeleý máselelerin eń úzdik jarııalaý boıynsha jalpyrespýblıkalyq baıqaýynyń
EREJESІ
1. jalpy erejeler.
1.1. Buqaralyq aqparat quraldarynda «Bolashaq búginnen bastalady» áskerı-patrıottyq tárbıeleý máselelerin eń úzdik jarııalaý boıynsha jalpyrespýblıkalyq baıqaýyn (ári qaraı mátin boıynsha - Baıqaý) Qazaqstan Respýblıkasy Bilim jáne Ǵylym Mınıstrliginiń qoldaýymen, «Jas Qyran» áskerı patrıottyq birlestikteriniń respýblıkalyq damytý ortalyǵy ótkizedi.
1.2. Baıqaýdy uıymdastyrý Qazaqstan Respýblıkasynyń aýmaǵynda atalǵan sharany daıyndaý jáne ótkizý boıynsha Uıymdastyrý komıtetine júkteledi.
1.3. Baıqaý buqaralyq aqparat quraldarynda (gazet-jýrnaldar, radıo, telearnalar, ıneternet-baspalar) «Bolashaq búginnen bastalady» áskerı-patrıottyq tárbıeleý máselelerin jarııalaý, jas daryndardy anyqtaý, olarǵa áskerı-patrıottyq tárbıeniń negizgi mindetteri men dástúrlerine baılanysty áskerı-patrıottyq taqyryptardy tolyq jáne jan-jaqty jarııalaýǵa múmkindik berý maqsatynda ótkiziledi.
2. Baıqaý baǵdarlamasy.
2.1. Baıqaýdyń mindetteri:
- - Qazaqstan Respýblıkasynda áskerı-patrıottyq tárbıeleýdiń ózekti máselelerin jan-jaqty jarııalaýǵa jýrnalıster men tilshilerdi jáne buqaralyq aqparat quraldaryn keńinen tartý;
- - BAQ qyzmetkerleriniń áskerı-patrıottyq tárbıeleý máselelerin jarııalaýdaǵy kásibı eńbekterin baǵalaý;
- - Qazaqstanda jastarǵa áskerı-patrıottyq tárbıe berý týraly qoǵamdyq pikirdi aıqyndaý jáne qalyptastyrý;
- - El turǵyndarynyń belsendi azamattyq ustanymyn qalyptastyrý;
- - Jýrnalıstik shyǵarmashylyqtyń úzdik úlgilerin aıqyndaý, naqtylaý jáne nasıhattaý.
3. Baıqaý sharttary
3.1. Baıqaýǵa 2012 jyldyń 20 qyrkúıek pen 20 qazan aralyǵynda jarııalanǵan nemese efırge shyqqan, baıqaýdyń sharttary, maqsattary men mindetterine sáıkes keletin materıaldar qabyldanady.
3.2. Materıaldar mátininiń tili - qazaq jáne orys.
3.3. Qatysýshylardyń tapsyrǵan materıaldary bekitilgen nomınatsııalar boıynsha qaralady.
3.4. Materıaldardy tapsyrý nysany:
- baspa BAQ-nyń tilshilerine: nomınatsııalary kórsetilgen besten kóp emes gazet nómirleriniń jáne úshten kóp emes jýrnal/ádebıet jınaǵy nómirleriniń túpnusqalary (kserokóshirmeleri, elektrondyq nusqalary); bólek avtorlarǵa - Baıqaýǵa qatysýshynyń tańdaǵan nomınatsııasynyń árqaısysy boıynsha, redaktsııalyq mórmen kýálandyrylǵan úshten kem emes materıaldarynyń túpnusqalary (kserokóshirmeleri, elektrondyq nusqalary).
- ınternet-baspalarynyń tilshilerine: jarııalanǵan kúni, ınternet BAQ ataýy, materıal jarııalanǵan ınternet adresteri (siltemeler) kórsetilgen aqparattyq materıaldardyń mátinderi (doc formatynda) jáne Internet baspalardyń elektrondyq nusqada saqtalǵan betteri (jpg formatynda).
- radıostantsııa tilshilerine: mp3 formatyndaǵy radıobaǵdarlamanyń dybys jazbasy (nemese CD, DVD dısklerde), radıostantsııa ataýy, efırge shyqqan ýaqyty kórsetilgen radıobaǵdarlamanyń maǵynasy (shıfry) ashylǵan jazbasha mátini.
- telearna tilshilerine: avi formatynda telebaǵdarlamanyń beıne jazbasy (nemese DVD-dıskide), telearna ataýy jáne efırge shyqqan ýaqyty kórsetilgen telebaǵdarlamanyń maǵynasy (shıfry) ashylǵan jazbasha mátini; telebaǵdarlama júrgizýshiniń aty-jóni, telebaǵdarlama rejısserynyń aty-jóni.
3.5. Usynylatyn materıaldarda (maqalada, baǵdarlamada t.b.) mindetti túrde baıqaýdy uıymdastyrýshylar týraly aqparat bolý qajet: Qazaqstan Respýblıkasynyń Bilim jáne ǵylym mınıstrligi, «Jas Qyran» áskerı-patrıottyq birlestikteriniń respýblıkalyq damytý ortalyǵy.
3.6.Usynylǵan árbir materıalǵa kelesi qysqasha aqparat tirkeledi: avtordyń aty-jóni, materıal ataýy, nomınatsııasy, shyqqan kezi men ýaqyty.
3.7. Baıqaýǵa usynylǵan jumystardy baǵalaý belgileri:
- Baıqaý taqyrybyna baılanysty, tańdaǵan taqyryptyń ózektiligi men áleýmettik mańyzdylyǵy;
- usynylǵan materıaldyń durystyǵy;
- aqparattyq tolyqtyǵy;
- kóterilgen máseleler men problemalardyń óńdeý jaǵynan tereńdiligi;
- janrlyq sanalýandylyǵy, kórkemdik aıqyndylyǵy jáne til baıandaýynyń qonymdylyǵy;
- materıaldy baıandaý ózindiligi.
3.8. Baıqaýǵa túsken materıaldar, túsken ýaqyty kórsetilip, reestrge engiziledi.
3.9. Baıqaýǵa usynylǵan materıaldar retsenzııalanbaıdy jáne keri qaıtarylmaıdy.
4. Baıqaýdy ótkizý merzimi jáne uıymdastyrý máseleleri
4.1. Baıqaýǵa materıaldar 2012 jyldyń 01 qazanynan bastap qabyldanady jáne 20 qazan kúni saǵat 17.00-de qabyldaý aıaqtalady.
Qabyldaý merzimi aıaqtalǵannan keıin usynylǵan jáne Baıqaýdyń sharttaryna sáıkes kelmeıtin materıaldar qabyldanbaıdy jáne qaralmaıdy.
Baıqaýdy qorytyndylaý sharasy 2012 jyldyń 24 qazan kúni Astana qalasynda ótedi. Baıqaýdyń qorytyndysy buqaralyq aqparat quraldarynda jarııalanady.
.2. Baıqaý kelesi nomınatsııalar boıynsha ótkiziledi:
1. «Qazaqstanda jastarǵa áskerı-patrıottyq tárbıe berý týraly eń úzdik materıal»;
2. «Qazaqstannyń áskerı tarıhy jáne Uly Otan Soǵysy ardagerleri týraly eń úzdik materıal»;
3. «Qazaqstan Respýblıkasynyń Qarýly Kúshteri týraly eń úzdik materıal»;
4. «Elimizdiń áskerı-patrıottyq uıymdary, áskerı-sporttyq, sporttyq-tehnıkalyq klýbtary jáne áskerı-izdestirý toptary týraly eń úzdik materıal»;
5. «Áskerge shaqyrylýshy jastardyń alǵashqy áskerı daıyndyǵy, jastar arasynda áskerı-dala oqýlary týraly eń úzdik materıal»;
6. «Elimizdiń sport jetistikteri týraly eń úzdik materıal»;
7. «Qazaqstanda jastarǵa áskerı-patrıottyq tárbıe berýdi damytý týraly eń úzdik beınesıýjet/fotomaterıal»;
8. «Qazaqstanda jastarǵa áskerı-patrıottyq tárbıe berýdi damytý týraly eń úzdik radıomaterıal»;
9. «Qazaqstanda jastarǵa áskerı-patrıottyq tárbıe berýdi damytý týraly eń úzdik ınternet-jarııalanym»
10. «Eń úzdik tele/radıo suhbat».
4.3. Qazylar alqasy 2012 jyldyń 23 qazanyna deıin baıqaýdy qorytyndylaıdy.
4.4. Qazylar alqasynyń quramy Qazaqstan Respýblıkasynyń aýmaǵynda atalǵan sharany daıyndaý jáne ótkizý boıynsha Uıymdastyrý komıtetimen anyqtalady jáne onyń tóraǵasymen bekitiledi.
4.5. Baıqaýdyń qorytyndysyn qazylar alqasy tóraǵasynyń usynysymen «Jas Qyran» áskerı-patrıottyq birlestikteriniń respýblıkalyq damytý ortalyǵy bekitedi.
4.6. Qazylar alqasy, usynylǵan birde-bir materıaldardy maquldamaýǵa jáne tapsyrys boıynsha Baıqaýdyń ekinshi týryn nemese jańa Baıqaý ótkizýge quqyly.
4.7. Baıqaý jeńimpazdary dıplomdar jáne baǵaly syılyqtarmen marapattalady:
- ınternet-planshet iPad;
- iPhone smartfony;
- noýtbýk;
4.8. Baıqaýdyń baǵdarlamasy men sharttaryn berýdi, baıqaý materıaldaryn qabyldaýdy jáne Baıqaýdy ótkizý boıynsha basqa uıymdastyrý-tehnıkalyq máselelerdi atalǵan sharany daıyndaý jáne ótkizý boıynsha Uıymdastyrý komıteti kelesi meken-jaı boıynsha júzege asyrady:
- Qazaqstan Respýblıkasy, 010000, Astana qalasy, Almaty aýdany, І.Jansúgirov kóshesi 8/2, 602, 603 ofısi;
- «Jas Qyran» áskerı-patrıottyq birlestikteriniń respýblıkalyq damytý ortalyǵy
- tel: 8 (7172) 57-25-25;
- faks 8(7172) 41-78-72
- elektrondyq poshta: jaskyran-center@mail.ru
