«Bolashaq búginnen bastalady!» aktsııasynyń aýqymynda Astanada Qazaqstan jastar uıymdarynyń kóshbasshylary bas qosady
Sharaǵa QR Prezıdenti Ákimshiligi basshysynyń orynbasary B.A.Maılybaev, «Jas Otan» Jastar qanatynyń atqarýshy hatshysy N.S.Óteshev, «Qazaqstannyń jastar kongresi» ZTB atqarýshy dırektory Sh.A.Baımanov, «Qazaqstan stýdentteri alıansy» respýblıkalyq qozǵalysynyń kóshbasshysy Ch.J.Beskempirov, «Jasyl el» jastar eńbek jasaqtary respýblıkalyq shtabynyń jetekshisi I.V.Salıqojaev, «Qazaqstannyń azamattyq alıansy» ZTB-niń volonterlikti damytý baǵdarlamasynyń dırektory V.Kım qatysady.
Kezdesý barysynda Memleket basshysy Nursultan Nazarbaevtyń Qazaqstan halqy Assambleıasynyń HІH sessııasynda jastar saıasatyn jetildirý jónindegi tapsyrmalaryn júzege asyrý máseleleri talqylanady. Atap aıtqanda, jastar uıymdary ókilderi óz ıdeıalarymen bólisip, 2020 jylǵa deıingi memlekettik jastar saıasaty tujyrymdamasy jobasyna usynystaryn ortaǵa salady, «Jas Otan» jastar qanaty jumysyn kúsheıtý, jastar úshin jańa áleýmettik lıftiler qalyptastyrý, jastar arasyndaǵy úderisterdi zertteý máselelerin qozǵaıdy.
Ult kóshbasshysy N.Á.Nazarbaevtyń Qazaqstan halqy Assambleıasynyń HІH sessııasynda sóılegen sózindegi tapsyrmalaryn júzege asyrý aýqymynda jastar uıymdary búkil el boıynsha 1000-nan astam kezdesýler ótkizip, jastar saıasatyn jetildirý jóninde ózderiniń usynys-pikirlerin bildirdi.
Sondaı-aq kezdesý barysynda «Jas Otan» jastar qanatynyń 2020 jylǵa deıingi strategııasyn jasaý, jastar eńbek jasaqtaryn, jastar bastamalary men volonterlik qozǵalysty damytý máseleleri jónindegi usynystar talqylanbaq.
Shara qorytyndysymen jastar uıymdary málimdeme jasap, Qazaqstan Respýlıkasynyń Prezıdenti, Ult Kóshbasshysy N.Á.Nazarbaevqa úndeý qabyldaý kútilýde.
