«Bolashaq» basshysy elimizde daryndy jastardyń nege jumyssyz júrgenin aıtty
ASTANA. QazAqparat - Halyqaralyq baǵdarlamalar ortalyǵy basshysy Janbolat Meldeshov qorǵanys jáne aerokosmıkalyq óndiris boıynsha shetelde kadrlardy daıarlaý týraly aıtty, dep habarlaıdy QazAqparat ortalyqtyń baspasóz qyzmetine silteme jasap.
Astanada qorǵanys jáne aerokosmıkalyq óndiris boıynsha shetelde kadrlardy daıarlaý máseleleri boıynsha jıyn ótti. Kezdesýge óndiris basshylary, «Halyqaralyq baǵdarlamalar ortalyǵy» AQ prezıdenti Janbolat Meldeshov jáne de Qorǵanys mınıstrligi men aerokosmıkalyq óndiris aerokosmıkalyq óndiris ókilderi qatysty.
«Salalyq maman boıynsha mamandar jetispeıdi. Bizdiń salamyz- avıajóndeý óndirisi jáne bizge jan-jaqty salaly maman qajet. Ol degenimiz belgili bir tehnıkanyń túri boıynsha qyzmet kórsetetin maman qajet» - dep atap ótti «Qazaqstandyq Avıatsııalyq Indýstrııa» JShS-niń óndiristik mamandardy daıarlaý boıynsha ınjeneri Aleksandr Samofalov.
Óz kezeginde sóz alǵan Janbolat Meldeshov, óndiris ókilderiniń mamandarǵa tapsyrys berý barysynda bolashaqta óndiris salalaryna asa qajetti degen mamandyqtarǵa basymdyq berilýi týraly aıtty.
«Maǵan «Bolashaq» baǵdarlamasynyń túlegi kelip: ózimen birge oqyǵan qyz balany Amerıkadaǵy qorǵanys ónerkásibi qushaǵyn jaıyp qarsy alyp jumysqa aldy. Al, negizinen ol qyz oqý úlgerimi jaǵynan menen áldeqaıda tómen edi. Qazirgi tańda ol qarýly sý asty qaıyqtarynyń jańa túrlerin jasaıdy jáne árıne jalaqysy qomaqty. Al, men bolsam Qazaqstandaǵy qanshama óndiristik oryndarǵa túıindememdi jiberdim. Eshkim jumysqa almady. Qazirde bir kompanııaǵa 120 myń teńge aılyqqa jumysqa turdym. Negizinen tanystyrylymdar, ıaǵnı prezentatsııalady jasaımyn. Al, bul dúnıeni kez-kelgen mektep oqýshysy da jasaı alady. Men ol jigitten: Jaqsy. Osynshama qundy bilim aldyń. Al endi osyny basqalarmen de bólisýińe bola ma?-dep suradym. Ol bala maǵan: kez-kelgen óndiristik oryndarǵa baryp, olardyń kompıýterlerine arnaıy baǵdarlama rnatyp, qalaı jasaýǵa bolatyndyǵyn úıretýge daıyn ekendigin aıtty. Al, osy jigit sııaqty mamandar barshylyq. Al, bular negizinen naryqta tabyla bermeıtin daryndar» - dedi J.Meldeshov.
Búgingi tańda sheteldik bilimi bar 39 túlek jumysqa ornalaspaǵan. Meldeshovtiń pikirinshe, óndirister joǵary bilikti mamandarǵa qajetti deńgeıde kóńil bólmeı kele jatyr.
«Kadrlardyń jetispeýshiligi aldaǵy ýaqytta da jalǵasyn tabady. Onyń bir sebebi, adam qartaıady, al, bizdiń sala boıynsha jas mamandar defıtsıt bolyp otyr. Al, kadrlardy daıarlaý deńgeıin kóterý qajet. Al, biz óz tarapymyzdan jergilikti oryndardaǵy jumystardy retke keltirýge tyrysamyz» - dedi «Semeı Injınırıng» kompanııasynyń bas dırektorynyń orynbasary Sergeı Bıjanov.
Kezdesýge qatysýshylar eńbek naryǵyna saraptama jasalynyp jáne óndiristik ónerkásipter qyzmetkerleriniń shetelde taǵylymdamadan ótýlerin uıymdastyrý boıynsha jumys josparyn jasady.
Sonymen qatar, óndiris basshylary Ortalyq usynatyn naryqtaǵy sala mamandaryn jumyspen qamtamasyz etetindikteri jóninde ýáde etti.
