«Bolashaq» baǵdarlamasynyń jyl saıynǵy halyqaralyq konferentsııasy jumysyn bastady

ASTANA. QazAqparat - Búgin Astanada QR Memlekettik hatshysy Gúlshara Ábdiqalyqova «Bolashaq» baǵdarlamasynyń (BARCEF-2015) jyl saıynǵy halyqaralyq konferentsııasyn ashty.

Memlekettik hatshy konferentsııaǵa qatysýshylardy baǵdarlamany damytýdyń jańa bes jyldyq jospary aıasynda usynylǵan bastamalardy jan-jaqty talqylaýǵa shaqyrdy. Konferentsııa jumysyna Parlament depýtattary, ortalyq memlekettik organdardyń basshylyǵy, otandyq jáne halyqaralyq sarapshylar, «Bolashaq» baǵdarlamasynyń seriktesteri qatysýda.

Aıta keteıik, BARCEF alańy Ortalyq Azııadaǵy iri bilim kórmesi bolyp tabylady. Jyl saıyn ol sheteldik jáne otandyq ýnıversıtetterdiń, 4 000-nan astam qatysýshylarynyń basyn qosady.

BARCEF-2015 barysynda álemniń jetekshi oqý oryndary aldyńǵy qatarly modelder men oqý baǵdarlamalaryn tanystyrmaq.