«Bolashaq» baǵdarlamasynyń túlekterine arnalǵan ınjenerlik-tehnologııalyq mamandyqtar boıynsha bos oryndar jármeńkesi ótkiziledi
ASTANA. 12 qyrkúıek. QazAqparat. Bos oryndar jármeńkesi, ústimizdegi jylǵy qyrkúıektiń 14-i men 16-sy aralyǵynda Astanadaǵy «Táýelsizdik» saraıynda, Orta Azııadaǵy aýqymdy «Digital Communications Kazakhstan-2011» kórme-konferentsııasynyń sheńberinde ótedi.
Bul týraly «Halyqaralyq baǵdarlamalar ortalyǵy» AQ baspasóz qyzmeti habarlady. Bul jobaǵa medıa qoǵamdastyqtardyń ókilderi, bilim berý mekemeleriniń basshylary, «GSM Kazakhstan/Kcell», «Google», «Facebook», «Mail.ru», «IAB Europe», «Kiwi.kz» sııaqty ulttyq jáne jeke menshik kompanııalar, sonymen qatar operatorlar men jabdyqtaýshy, qyzmetter usynýshy jetekshiler, ınvestorlar men ujymdyq tutynýshylar qatysady.
Halyqaralyq jáne Qazaqstandyq kompanııalar IT, mobıldik baılanys, telekommýnıkatsııa, bank salasy men ınternet jáne qosymsha baǵdarlamalar tóńiregindegi eń ozyq tehnologııalardy tanystyrady.
Halyqaralyq baǵdarlamalar ortalyǵy «Bolashaq» baǵdarlamasynyń túlekterin bos oryndar jármeńkesine shaqyrady. Іzdenýshiler áleýetti kompanııalar jáne jumys berýshilermen kezdesýge múmkindik alady. «Halyqaralyq baǵdarlamalar ortalyǵy» AQ prezıdenti Saıasat Nurbek bul jármeńke, qatysýshylar úshin qyzmettik belesterge alǵashqy qadam jasaýǵa mol múmkinshilik berip, bolashaq urpaqqa úlken serpin syılaıtynyna senim artady.
«Halyqaralyq baǵdarlamalar ortalyǵy» AQ «Bolashaq» baǵdarlamasynyń túlekterin jumyspen qamtamasyz etýdiń jan-jaqty, júıeli jolyn jetildirýde.
1) «Bolashaq» baǵdarlamasy boıynsha mamandardy oqytý men irikteý júıesi qaıta qarastyrylǵan. Budan bylaı ol jumystyń ujymdyq maqsatty qaǵıdasyna qaraı baǵyttalady. Onyń negizi - basym salany qajetti mamanmen qamtamasyz etý men osy suranymdardy qamtamasyz etý úshin maqsatty jeńildikterdi bólýde naqty saraptamalar jasaý. Eń aldymen, basty salalarǵa nazar aýdarylady. Olar: ınýdýstrıaldy-ınnovatsııalyq damý, bilim men ǵylym, memlekettik basqarý. Sonymen qatar, áleýetti jumys berýshi men túlekter arasynda tikeleı kýratorlyq baǵyt pen olardy oqýlary aıaqtalǵan keıin qyzmetke ornalastyrý isi keńinen engizilýde.
2)Ortalyq, memlekettik organdarmen, ulttyq kompanııalarmen, agenttiktermen, bank jáne jeke menshik kompanııalarmen baılanys ornatýda. Búgingi tańda, birlese jumys jasaý týraly 70-ke jýyq memorandýmdar bekitilgen.
3) «Halyqaralyq baǵdarlamalar ortalyǵy» jáne jumys berýshiler men memlekettik organdar arasynda «jumys úshburyshy» dep atalatyn jańa baǵyt qurylýda.
Stıpendıat «Halyqaralyq baǵdarlamalar ortalyǵyna» oqyp júrgen kezinde tapsyrys beredi, tapsyrys qarastyrylyp, «Bolashaq» túlegi oqýyn bitirgennen keıin jumysqa ornalasýǵa úlken múmkindik alady.
ıAǵnı, jumys berýshi oqý baǵdarlamasymen tanysyp, stıpendıattyń jazǵy demalys kezinde óndiristik tájirıbeden ótýin qamtamasyz etedi. Oqý kezinde stıpendıat jumysshy top jumysyna tartylyp, saraptamalyq materıaldar men statıstıkalyq málimetter berip otyrady. Al oqýyn aıaqtaǵan soń, jumys berýshi óndiristik tájirıbesi men oqýyna qaraı otyryp, túlekti jumyspen qamtamasyz etý máselesin qarastyrady. Al Stıpendıat jumyspen qamtamasyz etilý nemese oqyp júrgen merziminde qyzmet ornyn saqtaý sııaqty múmkindikke ıe bolady.
«Digital Communications Kazakhstan-2011» kórme-konferentsııasy ınjenerlik-tehnologııalyq mamandyq boıynsha túlekterdiń aýqymdy halyqaralyq jáne Qazaqstandyq bastaýshy menedjerlermen kezdesýlerine jaqsy múmkindik bolyp tabylady.
