«Bolashaq» baǵdarlamasynyń túlekteri «Hewlett Packard» kompanııasynyń ókilderimen kezdesti

ASTANA. QazAqparat - Keshe, 28 sáýirde «Halyqaralyq baǵdarlamalar ortalyǵy» AQ BARO «Bolashaq» baǵdarlamasy túlekterin jumysqa ornalastyrýǵa yqpal etý maqsatynda «Bolashaq» halyqaralyq stıpendııasy túlekteriniń «Hewlett Packard» Qazaqstan kompanııasy ókilderimen kezdesýin uıymdastyrdy.

Kezdesýge tehnıkalyq mamandyqtar boıynsha oqýyn aıaqtaǵan baǵdarlamanyń 50-den asa túlegi qatysty, dep habarlaıdy atalmysh AQ baspasóz qyzmetinen.

Kezdesý sheńberinde Hewlett Packard Qazaqstan kompanııasynyń ókilderi Information technologies, Project managers, Economics, MBA, Graduates with technical background mamandyqtary boıynsha 10 ashyq jumys oryndary týraly jarııalady. «Bolashaq» baǵdarlamasynyń túlekteri úshin kompanııa qyzmetteri tanystyryldy.

«Bolashaq» baǵdarlamasynyń túlegi, qazirgi ýaqytta «Hewlett Packard» Qazaqstan kompanııasynyń qyzmetkeri Bekeev Maqsat kompanııadaǵy jumys tájirıbesimen bólisti.

«Bul kompanııadaǵy jumys - ózińniń kásiptik qabiletińdi udaıy damytý jáne oqyp bilý. HP jyl ótisimen árbir qyzmetker kirgizetin tabysty alý úshin óz personalyn oqytýǵa kóp ýaqyt bóledi», - dedi óz sózinde ol.

«Halyqaralyq baǵdarlamalar ortalyǵy» AQ BARO joǵary bilikti kadrlardy irikteý jáne múddeli kompanııalar úshin «Bolashaq» baǵdarlamasy túlekterin jumysqa ornalastyrýda áreket etý maqsatynda áleýetti jumys berýshilermen kezdesýler, bos jumys oryndarynyń jármeńkelerin uıymdastyrý boıynsha turaqty túrde jumystar júrgizip otyratynyn atap ótken jón.

BARO men «Hewlett Packard» kompanııasy arasyndaǵy kezdesý qorytyndysy boıynsha odan ári ózara tabysty yntymaqtastyq týraly ýaǵdalastyqqa qol jetkizildi.