Bolashaq baǵdarlamasynyń qyrǵyzstandyq balamasy ashyldy

BІShKEK. Kabar- QazAqparat – Qyrǵyzstan prezıdenti Sadyr Japarov «El úmiti» (El Ýmýtý) halyqaralyq stıpendııasynyń jańa baǵdarlamasyn ashý týraly Jarlyqqa qol qoıdy, dep habarlaıdy QazAqpart Qyrǵyzstannyń Kabar aqparat agenttigine silteme jasap.

«Baǵdarlama álemniń 100 jetekshi ýnıversıtetiniń birinde magıstratýra men doktorantýraǵa túsken jas qyrǵyzstandyqtardy shákirtaqymen qamtamasyz etýdi qarastyrady. Ázirge bıylǵy jyldy 50 shákirtaqy bólýden bastaımyz dep sheshtik. Shákirtaqy mólsheri tańdalǵan ýnıversıtetke baılanysty, biraq maksımým 50 myń AQSh dollaryn quraıdy. Tehnıkalyq jáne ınjenerlik salalarǵa basymdyq beriledi, biraq, siz ekonomıka jáne gýmanıtarlyq ǵylymdarǵa da ótinish bere alasyz», - dep jazylǵan Qyrǵyz prezıdentiniń jarlyǵynda.

Eske salsaq, 2005 jyly Qazaqstanda «Bolashaq» baǵdarlamasy jarııalanyp, jyl saıyn 3 myń jas jáne talantty qazaqstandyqtar álemniń jetekshi oqý oryndarynda bilim alýǵa múmkindik aldy. Osy jyldar ishinde 11 myńnan asa qazaqstandyq «Bolashaq» baǵdarlamasymen bilimderin jetildirdi.