«Bolashaq» baǵdarlamasynyń basym mamandyqtar tizimi medıtsına jáne agrarlyq mamandyqtar boıynsha keńeıtiledi
Bul týraly búgin Aqordada QR Memlekettik hatshysy Marat Tájınniń tóraǵalyǵymen ótken Shetelde kadrlar daıarlaý jónindegi respýblıkalyq komıssııanyń otyrysynda Bilim jáne ǵylym mınıstrligi Strategııalyq josparlaý jáne aqparattyq tehnologııalar dapertamenti dırektorynyń mindetin atqarýshy Aqerke Abylaıhan málim etti.
Onyń aıtýynsha, aǵymdaǵy jyly alǵash ret baǵdarlama aıasynda qujattar qabyldaý 18 aqpannan bastalyp 1 qazanǵa deıin jalǵasady. «Sóıtip, jyl boıyna biz qujattar qabyldaýmen aınalysamyz. Sonymen qatar, úmitkerlerge qolaıly bolýy úshin jyl boıyna konkýrstyq irikteýlerdi ótkize beretin bolamyz. Soǵan oraı, konkýrstyq irikteýlerdiń qorytyndysyna sáıkes, búgingi Respýblıkalyq komıssııa otyrysyna 18 úmitkerdiń kandıdatýrasy usynylyp otyr. Budan bólek, 2013 jyly shetelderde kadr daıarlaý úshin basym mamandyqtar tizimine ózgerister men tolyqtyrýlar engizý týraly másele qaralady. Bul ózgerister negizinen agrarlyq jáne medıtsına salasynyń mamandaryna qatysty bolyp tabylady», - deıdi A. Abylaıhan.
